Proverbios 9:7 - Li Santil hu

⁷ Cui ta̱kꞌus junak li kꞌetkꞌet li incꞌaꞌ us xnaꞌleb, ma̱cꞌaꞌ ta̱raj re xban nak aꞌan tatxseꞌe ut tatxhob.

Q'eqchi Bible

⁷ Li naq'usuk re li q'etq'et, naxk'am chaq tz'eqtaanaak sa' xb'een; li naq'usuk re li ink'a' us xch'ool, junes hob'e'k tixb'oq chaq sa' xb'een.

Proverbios 9:7 ပူးပေါင်းရင်းမြစ်များ

Proverbios 15:12

Li incꞌaꞌ naxtau xya̱lal incꞌaꞌ naxra li ani naqꞌuehoc naꞌleb, chi moco nacuulac chiru cua̱nc saꞌ xya̱nkeb li cuanqueb xnaꞌleb.

Proverbios 23:9

Li xbele li naꞌleb, aꞌan aꞌin: Incꞌaꞌ te̱qꞌue xnaꞌleb li incꞌaꞌ nequeꞌxtau xya̱lal, xban nak teꞌxseꞌe li cha̱bil naꞌleb li ta̱qꞌuehekꞌ reheb.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

1 Reyes 22:27

Yehomak reheb nak teꞌxqꞌue saꞌ tzꞌalam ut junes caxlan cua ut haꞌ teꞌxqꞌue re toj retal tinsukꞌi̱k chak la̱in chi sa saꞌ inchꞌo̱l, chan.

1 Reyes 22:24

Ut li profeta Sedequías, li ralal laj Quenaana, quinachꞌoc riqꞌuin laj Micaías ut quixtzꞌaj chi rukꞌ saꞌ xnakꞌ ru ut quixye re: —¿Ma x-el ta biꞌ cuiqꞌuin lix musikꞌ li Dios re ta̱a̱tinak a̱cuiqꞌuin? chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

Li xHu LAJ JOB 5:17

Us xak re li cui̱nk li nakꞌuseꞌ xban li Dios. Joꞌcan nak ma̱tzꞌekta̱na la̱ kꞌusbal li naxqꞌue li nimajcual Dios.

Proverbios 13:1

Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.

Isaías 36:21

Eb laj Judá ma̱ jun a̱tin queꞌxye xban nak li rey Ezequías quixye reheb nak incꞌaꞌ teꞌxsume.