Proverbios 9:12 - Li Santil hu

¹² Cui la̱at cuan a̱naꞌleb, a̱cue ajcuiꞌ li us. Ut cui la̱at aj hobonel, la̱at ajcuiꞌ tatcꞌuluk re li raylal.

Q'eqchi Bible

¹² Wi wank aana'leb', toxaayal xsahil; ab'an wi q'etq'etat, laa'at tattojoq re rik'in rahilal.

Proverbios 9:12 ပူးပေါင်းရင်းမြစ်များ

Ezequiel 18:20

Li ani ta̱ma̱cobk, aꞌan ta̱ca̱mk. Li alalbej incꞌaꞌ tixcꞌul li raylal saꞌ xcꞌabaꞌ li ma̱c li quixba̱nu lix yucuaꞌ. Chi moco li yucuaꞌbej tixcꞌul li raylal saꞌ xcꞌabaꞌ li ma̱c li quixba̱nu li ralal. Li ani nacuan saꞌ ti̱quilal tixcꞌul lix kꞌajca̱munquil ut li ani naxba̱nu li ma̱c tixcꞌul lix tojbal ma̱c.

Li xHu LAJ JOB 22:21

Cꞌam cuiꞌchic a̱cuib saꞌ usilal riqꞌuin li nimajcual Dios. Cui ta̱ba̱nu chi joꞌcan tatrosobtesi cuiꞌchic ut tatcua̱nk cuiꞌchic saꞌ sahil chꞌo̱lejil.

Proverbios 16:26

Li ani natrabajic, natrabajic xban nak tzaca̱nc naraj. Xban nak cuaꞌac naraj, cau nacꞌanjelac.

Isaías 28:22

Joꞌcan ut nak canabomak li hoboc re nak incꞌaꞌ ta̱nima̱nk li raylal li te̱cꞌul. La̱in ac xcuabi nak li nimajcual Dios tixsach ru chixjunil le̱ tenamit. Ac tenebanbil saꞌ e̱be̱n nak ta̱sachekꞌ ruheb.

2 Pedro 3:16

Chirix aꞌin quixtzꞌi̱ba laj Pablo saꞌ chixjunil lix hu. Cuan li cꞌaꞌak re ru saꞌ lix hu chꞌaꞌaj xtaubal ru. Ut li ma̱cꞌaꞌeb xnaꞌleb ut li junpa̱t nequeꞌchꞌinan xchꞌo̱l saꞌ lix pa̱ba̱leb nequeꞌxpoꞌ lix ya̱lal. Joꞌcan ajcuiꞌ nequeꞌxba̱nu riqꞌuin chixjunil li ra̱tin li Dios. Xban nak nequeꞌxkꞌet ra̱tin li Dios, joꞌcan nak teꞌosokꞌ.

Gálatas 6:5

Tenebanbil saꞌ xbe̱n li junju̱nk rilbal chanru lix yuꞌam.

Proverbios 14:14

Li ma̱cꞌaꞌeb xnaꞌleb cꞌojcꞌo̱queb xchꞌo̱l riqꞌuin li incꞌaꞌ us nequeꞌxba̱nu. Ut li cha̱bileb saheb saꞌ xchꞌo̱l riqꞌuin li us nequeꞌxba̱nu.

Proverbios 19:29

Ac cauresinbil chak li rakba a̱tin chokꞌ reheb li nequeꞌhoboc. Ut ac cauresinbil ajcuiꞌ li tzꞌu̱m chokꞌ reheb li incꞌaꞌ nequeꞌraj xtaubal xnaꞌleb.

Li xHu LAJ JOB 19:4

¿Cꞌaꞌru te̱raj re la̱ex cui cuan inma̱c? La̱in tintojok re. Ma̱cuaꞌ la̱ex.

Zacarías 12:14

Joꞌcan teꞌxba̱nu chixjunileb laj Israel. Li junju̱nk xte̱paleb teꞌya̱bak rochbeneb li ralal xcꞌajol ut joꞌcan ajcuiꞌ teꞌxba̱nu li ixakilbej.