Proverbios 8:8 - Li Santil hu

⁸ Chixjunil li ninye ti̱c. La̱in incꞌaꞌ ninbalakꞌic.

Q'eqchi Bible

⁸ Tz'aqal re ru li aatin ok we xyeeb'al, ut maajun junaq b'alaq'il aatin tinye.

Proverbios 8:8 ပူးပေါင်းရင်းမြစ်များ

San Juan 7:46

Eb li nequeꞌcꞌacꞌalen saꞌ li templo queꞌchakꞌoc ut queꞌxye: —¡Ma̱ jun cua kabiom junak cui̱nk chi a̱tinac joꞌ naa̱tinac li cui̱nk aꞌan! ¡Chꞌinaꞌus li cꞌaꞌru naxye! chanqueb.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Salmos 12:6

Li ra̱tin li Dios, aꞌan ya̱l ut tzꞌakal re ru. Chanchan li plata sakobresinbil ru cuukub sut saꞌ li xam.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.

Isaías 45:23

La̱in xinye li cua̱tin. Saꞌ incꞌabaꞌ la̱in xina̱tinac. Ma̱ ani ta̱jalok re li cꞌaꞌru xinye la̱in saꞌ ti̱quilal. Relic chi ya̱l chixjunileb teꞌxcuikꞌib ribeb chicuu ut teꞌxye nak la̱in li Ka̱cuaꞌ Dios.

Deuteronomio 32:5

La̱ex lix tenamit li Ka̱cuaꞌ queba̱nu li ma̱usilal. Quecꞌut e̱xuta̱n. Moco e̱cꞌulub ta nak la̱ex li ralal xcꞌajol. Nequexma̱cob ut incꞌaꞌ us le̱ naꞌleb.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

Proverbios 2:15

Eb aꞌan incꞌaꞌ us lix naꞌlebeb xban nak nequeꞌxkꞌaxtesi rib chixba̱nunquil li incꞌaꞌ us.

Proverbios 4:2

La̱in yo̱quin chixcꞌutbal li cha̱bil naꞌleb che̱ru. Incꞌaꞌ taxak te̱canab xba̱nunquil.

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.