Proverbios 8:31 - Li Santil hu

³¹ Nasahoꞌ inchꞌo̱l chirilbal li ruchichꞌochꞌ li quixyi̱b. Ut nasahoꞌ ajcuiꞌ saꞌ inchꞌo̱l riqꞌuineb li cristian li quixyoꞌobtesiheb.

Q'eqchi Bible

³¹ sa' li ruuchich'och' yoob'tesinb'il xb'aan; ut nintaw xsahil linch'ool rik'ineb' li ralal xk'ajoleb' li poyanam.

Proverbios 8:31 ပူးပေါင်းရင်းမြစ်များ

Salmos 16:3

Ninqꞌueheb xlokꞌal li nequeꞌpa̱ban re li Dios ut nasahoꞌ saꞌ inchꞌo̱l chi cua̱nc saꞌ xya̱nkeb.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.