Proverbios 8:27 - Li Santil hu

²⁷ Li cha̱bil naꞌleb ac cuan ajcuiꞌ chak nak toj ma̱jiꞌ queꞌyi̱ba̱c li choxa li cuan takecꞌ saꞌ xbe̱n li ruchichꞌochꞌ ut li palau.

Q'eqchi Bible

²⁷ Naq li Yos kixhel li choxa sa' xb'eeneb' li palaw, aran wankin laa'in.

Proverbios 8:27 ပူးပေါင်းရင်းမြစ်များ

Li xHu LAJ JOB 26:10

Aꞌan quixjach li haꞌ riqꞌuin li chꞌochꞌ ut quixjach ajcuiꞌ li cutan riqꞌuin li kꞌojyi̱n.

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Proverbios 3:19

Xban nak cuan xnaꞌleb li Ka̱cuaꞌ Dios quixqꞌue li ruchichꞌochꞌ saꞌ xnaꞌaj, ut quixyi̱b ajcuiꞌ li choxa saꞌ xnaꞌaj riqꞌuin lix se̱bal xchꞌo̱l.

Colosenses 1:16

Saꞌ xcꞌabaꞌ aꞌan, li Dios quixyoꞌobtesi chixjunil li cꞌaꞌak re ru cuan saꞌ choxa, joꞌ ajcuiꞌ li cuan saꞌ ruchichꞌochꞌ. Li Dios quixyoꞌobtesi chixjunil li na-ilman ru, joꞌqueb ajcuiꞌ chixjunileb li musikꞌej, li incꞌaꞌ na-ilman ru. Aꞌ yal chanru lix cꞌanjel li junju̱nk ut lix cuanquileb, li Dios quiyoꞌobtesin reheb saꞌ xcꞌabaꞌ li Jesucristo ut aꞌan laj e̱chal reheb.

Jeremías 10:12

Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Salmos 136:5

Aꞌan li quiyi̱ban re li choxa riqꞌuin lix naꞌleb xban nak kꞌaxal nim li ruxta̱n saꞌ kabe̱n junelic.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Salmos 103:19

Li nimajcual Dios quixxakab lix cuanquilal saꞌ choxa. Ut aꞌan cuan xcuanquil saꞌ xbe̱n chixjunileb li cuanqueb saꞌ ruchichꞌochꞌ.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Proverbios 8:26

Toj ma̱jiꞌ nayoꞌobtesi̱c chak li ruchichꞌochꞌ, li cha̱bil naꞌleb ac cuan ajcuiꞌ chak. Nak toj ma̱cꞌaꞌakeb li cꞌaleba̱l chi moco li chꞌochꞌ ac cuan ajcuiꞌ chak.

Proverbios 8:28

Ac cuan ajcuiꞌ chak nak quiyi̱ba̱c li chok saꞌ choxa. Ut ac cuan ajcuiꞌ chak nak quiyi̱ba̱c li chamal palau.