Proverbios 8:23 - Li Santil hu

²³ Li cha̱bil naꞌleb ac cuan ajcuiꞌ chak nak toj ma̱jiꞌ naxyi̱b chak li ruchichꞌochꞌ li Dios.

Q'eqchi Bible

²³ Kinxsiya chaq sa' xtiklajik, rub'elaj xyoob'tesinkil li ruuchich'och'.

Proverbios 8:23 ပူးပေါင်းရင်းမြစ်များ

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

Génesis 1:26

Ut quixye ajcuiꞌ li Dios: —Kayoꞌobtesihak li cui̱nk joꞌ li kiloba̱l la̱o. Ut aꞌan ta̱cua̱nk xcuanquil saꞌ xbe̱neb chixjunileb li xul li cuanqueb saꞌ ruchichꞌochꞌ, joꞌ li car saꞌ li palau ut li xul li nequeꞌrupupic chiru choxa. Ut ta̱cua̱nk xcuanquil saꞌ xbe̱neb li queto̱mk ut li xul li cuanqueb saꞌ pim, joꞌ ajcuiꞌ saꞌ xbe̱n chixjunileb li xul li nequeꞌxjucuqui rib saꞌ chꞌochꞌ, chan li Dios.

San Juan 17:5

At inYucuaꞌ, chaqꞌue ta cuiꞌchic lin lokꞌal li quicuan nak toj cuanquin chak a̱cuiqꞌuin nak toj ma̱jiꞌ naticla chak li ruchichꞌochꞌ.

San Juan 1:1

Chalen chak saꞌ xticlajic li ruchichꞌochꞌ ac cuan chak li A̱tin. Li A̱tin cuan chak riqꞌuin li Dios ut aꞌan tzꞌakal Dios. Li A̱tin, aꞌan li Cristo.

Proverbios 4:7

Tento nak ta̱tau a̱naꞌleb ut ta̱tau lix ya̱lal xban nak aꞌan li kꞌaxal lokꞌ chiru chixjunil li cꞌaꞌru cuan a̱cue.

Miqueas 5:1

Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.