Proverbios 8:20 - Li Santil hu

²⁰ Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

Q'eqchi Bible

²⁰ Laa'in ninb'eek sa' li tiikilal, ut sa' xb'ehil li tz'aqal yaal,

Proverbios 8:20 ပူးပေါင်းရင်းမြစ်များ

Deuteronomio 5:32

Joꞌcan nak cheqꞌuehak retal ut te̱ba̱nu li cꞌaꞌru naxye e̱re li Ka̱cuaꞌ le̱ Dios. Me̱canab xba̱nunquil. Te̱ba̱nu ban chixjunil li naxye li Ka̱cuaꞌ.

Salmos 32:8

Li Ka̱cuaꞌ quixye: —La̱in tin-ilok a̱cue. La̱in tincꞌutuk cha̱cuu cꞌaꞌru ta̱ba̱nu ut tinqꞌue a̱naꞌleb re nak ta̱tau xya̱lal. La̱in tinberesi̱nk a̱cue.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Proverbios 6:22

Aꞌan ta̱beresi̱nk e̱re nak yo̱kex chi be̱c. Ut aꞌan ta̱colok e̱re nak yo̱kex chi cua̱rc. Ut nak texcuacli̱k, aꞌan tixcꞌut che̱ru cꞌaꞌru te̱ba̱nu.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

San Juan 10:3

Li nacꞌacꞌalen re li oqueba̱l naxnau ru aꞌan ut naxte li oqueba̱l chiru. Ut eb li carner nequeꞌxnau ru li xya̱b xcux nak naxbokeb chi xju̱nkaleb riqꞌuin lix cꞌabaꞌeb ut narisiheb saꞌ li corral.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Salmos 23:3

Li Ka̱cuaꞌ Dios, aꞌan tixcꞌojob inchꞌo̱l. Tinixberesi saꞌ li be re ti̱quil chꞌo̱lej saꞌ xcꞌabaꞌ lix rahom.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

Proverbios 2:9

Cui ta̱cuabi li cua̱tin la̱at, ta̱nau chic bar cuan li us ut bar cuan li ti̱quilal. Ut cua̱nk chic a̱naꞌleb chixtaubal ru chanru li cua̱nc saꞌ cha̱bilal.

Proverbios 8:19

Li cha̱bil naꞌleb li ninqꞌue la̱in, aꞌan kꞌaxal us chiru li oro li numsinbil saꞌ xam. Li cha̱bil naꞌleb li ninyechiꞌi la̱in, kꞌaxal us chiru li tzꞌakal plata.

Proverbios 8:21

Eb li nequeꞌcuulac chiruheb xba̱nunquil li cha̱bil naꞌleb nequeꞌxcꞌul xma̱taneb ut xbiomaleb.

Proverbios 2:20

Joꞌcan nak la̱ex cheba̱nuhak li us joꞌ nequeꞌxba̱nu li cuanqueb saꞌ ti̱quilal.