Proverbios 8:17 - Li Santil hu

¹⁷ La̱in nequebinra li nequeꞌcuulac chiruheb xba̱nunquil li cha̱bil naꞌleb. Eb li nequeꞌxqꞌue xchꞌo̱l chixsicꞌbal nequeꞌxtau ajcuiꞌ.

Q'eqchi Bible

¹⁷ Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Proverbios 8:17 ပူးပေါင်းရင်းမြစ်များ

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

Salmos 91:14

Li Ka̱cuaꞌ tixye: —La̱in tincol aꞌan xban nak kꞌaxal ninxra. La̱in tinqꞌue xlokꞌal xban nak aꞌan naxnau nak la̱in li Ka̱cuaꞌ.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

1 Juan 4:19

La̱o nakara li Dios xban nak aꞌan xrahoc ke xbe̱n cua.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

San Juan 16:27

Lin Yucuaꞌ nequexra la̱ex xban nak la̱ex niquine̱ra la̱in ut xban nak xepa̱b nak riqꞌuin li Dios xinchal chak.

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Eclesiastés 12:1

Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.

Proverbios 2:4

Qꞌuehomak e̱chꞌo̱l chixtaubal li cha̱bil naꞌleb. Chesicꞌak toj retal te̱tau joꞌ nak nasiqꞌueꞌ li plata, malaj ut joꞌ nak nasiqꞌueꞌ li cꞌaꞌru terto xtzꞌak.

Proverbios 2:5

Cui te̱tau li naꞌleb aꞌin, te̱nau chic xxucuanquil ru li Ka̱cuaꞌ. Ut te̱nau chic chanru xnaꞌleb li Dios.

Proverbios 4:6

Chaqꞌue taxak a̱chꞌo̱l chixtaubal li cha̱bil naꞌleb. Incꞌaꞌ ta̱canab xba̱nunquil, ut aꞌan ta̱colok a̱cue.

Proverbios 8:16

Riqꞌuin li naꞌleb li ninqꞌue, eb li rey cuanqueb saꞌ xcuanquil saꞌ ti̱quilal. Riqꞌuin lin naꞌleb nintenkꞌaneb chi rakoc a̱tin.

Cantares 3:4

Tojeꞌ ajcuiꞌ tine̱lk riqꞌuineb nak quintau li narahoc cue. Quinchap chi rukꞌ ut incꞌaꞌ chic quicuachꞌab toj retal quincꞌam saꞌ rochoch lin naꞌ.

San Juan 5:4

Jun x-ángel li Ka̱cuaꞌ nacube chak saꞌ choxa yalak jokꞌe ut narecꞌasi li haꞌ. Li ani xbe̱n cua na-oc chi saꞌ nak ac x-ecꞌasi̱c li haꞌ, li jun aꞌan naqꞌuira aꞌ yal cꞌaꞌru xyajel.