Proverbios 8:13 - Li Santil hu

¹³ Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Q'eqchi Bible

¹³ Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Proverbios 8:13 ပူးပေါင်းရင်းမြစ်များ

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Salmos 97:10

Che̱junilex la̱ex li nequexrahoc re li Ka̱cuaꞌ, chetzꞌekta̱na chi junaj cua li ma̱usilal xban nak li Ka̱cuaꞌ ta̱ilok e̱re la̱ex li ti̱c e̱chꞌo̱l. Aꞌan ta̱colok e̱re chiruheb li incꞌaꞌ useb xnaꞌleb.

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

Proverbios 4:24

Moco yalak chakꞌ ta re ru tex-a̱tinak. Ut incꞌaꞌ texyoꞌoba̱nk ticꞌtiꞌ.

1 Ts 5:22

Ut chetzꞌekta̱na chixjunil li ma̱usilal.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Salmos 119:128

La̱in xinqꞌue retal nak tzꞌakal re ru chixjunil li cꞌaꞌru naxye saꞌ la̱ chakꞌrab. Joꞌcan nak xicꞌ nacuil li ma̱usilal.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

Proverbios 6:12

Eb li incꞌaꞌ useb xnaꞌleb ma̱cꞌaꞌ nequeꞌoc cuiꞌ. Junes ticꞌtiꞌic nequeꞌxba̱nu.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

Zacarías 8:17

Ma̱ jun ta e̱re tixcꞌoxla xba̱nunquil raylal re li ras ri̱tzꞌin. Ut incꞌaꞌ te̱patzꞌ incꞌabaꞌ yal riqꞌuin ticꞌtiꞌ, xban nak aꞌan xicꞌ nacuil la̱in, chan li nimajcual Dios.

Salmos 138:6

Usta kꞌaxal nim la̱ cuanquil, abanan junelic nacacuil xtokꞌoba̱l ruheb li ma̱cꞌaꞌeb xcuanquil ut nacaqꞌue retal li cꞌaꞌru nequeꞌxba̱nu li nequeꞌxnimobresi ribeb.

Salmos 101:3

La̱in incꞌaꞌ tinba̱nu li cꞌaꞌru nequeꞌxba̱nu li incꞌaꞌ useb xnaꞌleb. Xicꞌ nacuil li cꞌaꞌru nequeꞌxba̱nu eb aꞌan. Ma̱ jokꞌe tincꞌam cuib riqꞌuineb aꞌan.

Proverbios 10:31

Li ti̱c xchꞌo̱l naqꞌuehoc naꞌleb riqꞌuin li cha̱bil a̱tin naxye. Abanan li incꞌaꞌ nequeꞌa̱tinac cha̱bil a̱tin, incꞌaꞌ chic teꞌa̱tinak.

Salmos 119:104

Riqꞌuin xtzolbal la̱ cua̱tin nintau innaꞌleb ut xicꞌ nacuil li ma̱usilal.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

Proverbios 15:9

Li Ka̱cuaꞌ xicꞌ naril li cꞌaꞌru nequeꞌxba̱nu li incꞌaꞌ useb xnaꞌleb. Abanan naxraheb li nequeꞌxba̱nu li ti̱quilal.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Éxodo 1:17

Li cuib chi ixk aꞌin nequeꞌxpa̱b li Dios. Joꞌcan nak incꞌaꞌ queꞌxba̱nu joꞌ quiyeheꞌ reheb xban li acuabej re Egipto. Incꞌaꞌ queꞌxcamsiheb li cocꞌ te̱lom aj hebreo.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.