Proverbios 7:8 - Li Santil hu

⁸ Nak quicuulac saꞌ xa̱la li be, co̱ saꞌ li be li naxic cuan cuiꞌ li rochoch jun li ixk incꞌaꞌ us xnaꞌleb.

Q'eqchi Bible

⁸ Naq kiwulak sa' xaalib'e, kiq'axonk junpak'al ut tiik koho sa' rochoch jun li ixq ink'a' us xch'ool.

Proverbios 7:8 ပူးပေါင်းရင်းမြစ်များ

San Judas 1:23

Qꞌuehomak le̱ chꞌo̱l chixcolbal e̱ras e̱ri̱tzꞌin. Chanchan li yo̱kex chirisinquileb saꞌ xxamlel li xbalba. Ut li jun chꞌol chic eb laj kꞌetol a̱tin, cheruxta̱naheb ru aban tinye e̱re: cheqꞌuehak retal. Incꞌaꞌ chextzꞌako̱nk riqꞌuineb lix ma̱usilal xban nak numtajenakeb cuiꞌchic lix ma̱usilal. Xicꞌ cheril lix ma̱queb joꞌ junak kꞌel tꞌicr numtajenak xtzꞌajnil ru.

2 Timoteo 2:22

Joꞌcan utan chatzꞌekta̱na chi junaj cua li incꞌaꞌ us li nequeꞌxrahi ru li toj sa̱jeb. Ut qꞌue a̱chꞌo̱l chicua̱nk saꞌ ti̱quilal ut chatpa̱ba̱nk chi tzꞌakal. Charahakeb la̱ cuas a̱cui̱tzꞌin ut chatcua̱nk saꞌ usilal riqꞌuineb chixjunileb. La̱akat jun saꞌ xya̱nkeb li ti̱queb xchꞌo̱l li nequeꞌtijoc chiru li Dios.

1 Corintios 6:18

Me̱ba̱nu chic li ma̱usilal. Chixjunil li cꞌaꞌak re ru chi ma̱quil kꞌaxal yibru. Abanan li coꞌbe̱tac yumbe̱tac kꞌaxal cuiꞌchic yibru xban nak li ani nama̱cob chi toj ma̱jiꞌ sumsu, li jun aꞌan naxmux rib xjunes rib.

Proverbios 7:12

Nacuulac chiru cua̱nc saꞌ eb li be ut saꞌ eb li cꞌayil. Ut naxxakab rib saꞌ xxa̱la be chi ramoc.

Proverbios 5:8

Me̱cꞌam e̱rib riqꞌuineb li ixk li incꞌaꞌ useb xnaꞌleb, chi moco texxic saꞌ li rochocheb.

Jueces 16:1

Saꞌ jun li cutan co̱ laj Sansón saꞌ li tenamit Gaza. Quiril jun li ixk xcomoneb li nequeꞌxcꞌayi ribeb ut co̱ chi cua̱rc riqꞌuin.

Proverbios 7:27

Li rochoch li ixk aꞌan, chanchan lix naꞌajeb li camenak. Cui la̱ex texxic aran, chanchan yo̱quex chi xic saꞌ xbehil li ca̱mc.