Proverbios 7:7 - Li Santil hu

⁷ Ut queꞌcuil jun chꞌu̱taleb li sa̱j al incꞌaꞌ nequeꞌxnau cꞌoxlac. Ut quinqꞌue retal saꞌ xya̱nkeb jun li sa̱j al toj ma̱jiꞌ naxtau xnaꞌleb.

Q'eqchi Bible

⁷ ut ke'wil jun ch'uuteb' li saaj al li maak'a'eb' xna'leb'; ut sa' xyanqeb' a'an wank jun li maak'a' xk'a'uxl.

Proverbios 7:7 ပူးပေါင်းရင်းမြစ်များ

Proverbios 6:32

Li ani naxchꞌic rib riqꞌuin junak sumsu, aꞌan ma̱cꞌaꞌ xnaꞌleb. Li jun aꞌan naxsach rib xjunes.

Proverbios 1:22

La̱ex, li ma̱cꞌaꞌ e̱naꞌleb, ¿jokꞌe te̱canab xba̱nunquil li to̱ntil naꞌleb li ma̱cꞌaꞌ na-oc cuiꞌ? Ut la̱ex li nequekꞌetkꞌeti e̱rib, ¿jokꞌe te̱canab xtzꞌekta̱nanquil li cha̱bil naꞌleb?

San Mateo 15:16

Ut li Jesús quixye re: —¿Ma toj ma̱cꞌaꞌ ajcuiꞌ e̱naꞌleb la̱ex?

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Proverbios 10:13

Li ani cuan xnaꞌleb naxnau a̱tinac saꞌ xya̱lal. Abanan li ani incꞌaꞌ naxtau xnaꞌleb, naqꞌueheꞌ xlob.

Proverbios 9:16

Naxbokeb riqꞌuin li ma̱cꞌaꞌeb xnaꞌleb ut li incꞌaꞌ nequeꞌxtau xya̱lal, ut naxye reheb:

Proverbios 9:4

Queꞌoc chixyebal reheb li toj sa̱jeb: —Quimkex la̱ex li ma̱cꞌaꞌ e̱naꞌleb. La̱ex li incꞌaꞌ nequetau xya̱lal, cha̱lkex.

Proverbios 8:5

La̱ex li incꞌaꞌ nequetau e̱naꞌleb, chetauhak e̱naꞌleb. Ut la̱ex li incꞌaꞌ nequetau xya̱lal, chetzolak e̱rib.

Proverbios 1:32

Eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌraj xcꞌulbal lix naꞌlebeb. Joꞌcaneb ajcuiꞌ li jip xchꞌo̱leb. Nequeꞌcam xban nak nequeꞌxtzꞌekta̱na li naꞌleb naqꞌueheꞌ reheb.

Proverbios 1:4

Ut tixtenkꞌaheb ajcuiꞌ chi cua̱nc xcꞌaꞌuxeb li incꞌaꞌ nequeꞌxnau cꞌoxlac. Ut naxqꞌue xnaꞌlebeb li toj sa̱jeb re nak teꞌxcꞌoxla chi us cꞌaꞌru teꞌxba̱nu.

Salmos 119:130

La̱ cua̱tin naxcutanobresi li kacꞌaꞌux ut naxqꞌue xnaꞌlebeb li ma̱cꞌaꞌeb xnaꞌleb.

Proverbios 27:12

Li ani cuanqueb xnaꞌleb nequeꞌxqꞌue retal li raylal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Proverbios 24:30

Xinnumeꞌ chak cuan cuiꞌ xnaꞌaj li racui̱mk li cui̱nk li incꞌaꞌ naraj trabajic. Ut xinnumeꞌ ajcuiꞌ saꞌ li naꞌajej li aubil cuiꞌ lix uvas li ma̱cꞌaꞌ xnaꞌleb.

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Proverbios 19:25

Riqꞌuin lix kꞌusbal li incꞌaꞌ us xnaꞌleb, nequeꞌxtzol ribeb li cubenakeb xcuanquil, usta ma̱cuaꞌ aꞌan li yo̱ xkꞌusbal. Joꞌcan ajcuiꞌ li cuan xnaꞌleb. Naxqꞌue saꞌ xchꞌo̱l lix kꞌusbal.

Proverbios 19:2

Junak cristian ma̱cꞌaꞌ xnaꞌleb incꞌaꞌ naxcꞌoxla chi us li cꞌaꞌru naxba̱nu. Xban nak naxba̱nu saꞌ junpa̱t aꞌan naqꞌuehoc re chi ma̱cobc.

Proverbios 14:18

Eb li ma̱cꞌaꞌeb xnaꞌleb junelic ma̱cꞌaꞌakeb xnaꞌleb. Ut li nequeꞌxnau cꞌoxlac teꞌxcꞌul xtzꞌakob lix naꞌlebeb.

Proverbios 14:15

Li incꞌaꞌ naxnau cꞌoxlac naxpa̱b chixjunil li nayeheꞌ re. Abanan li naxnau cꞌoxlac naxqꞌue retal chi us li cꞌaꞌru naxba̱nu.

Proverbios 12:11

Li ani naxqꞌue xchꞌo̱l chi a̱uc ta̱cua̱nk nabal lix tzacae̱mk. Abanan li ani nequeꞌxic xchꞌo̱l chirix li ma̱cꞌaꞌ na-oc cuiꞌ ma̱cꞌaꞌeb xnaꞌleb.

Salmos 19:7

Lix chakꞌrab li Dios tzꞌakal re ru ut nax-acꞌobresi li kayuꞌam. Li ra̱tin li Ka̱cuaꞌ Dios, aꞌan tzꞌakal ya̱l ut naxqꞌue xnaꞌleb li ma̱cꞌaꞌ xnaꞌleb.

Li xHu LAJ JOB 24:15

Ut eb li nequeꞌmuxuc caxa̱r chi kꞌek nequeꞌxba̱nu li cꞌaꞌru nequeꞌraj. Nequeꞌxmuk ribeb re nak ma̱ ani ta̱ilok reheb ut nequeꞌxye, “Cui takamuk kib, ma̱ ani ta̱ilok ke,” chanqueb.

Proverbios 5:1

Ex cualal incꞌajol, cheqꞌuehak retal li naꞌleb li yo̱quin chixyebal e̱re. Ut chicana̱k taxak saꞌ e̱chꞌo̱l lix ya̱lal li yo̱quin chixcꞌutbal che̱ru xban nak ninnau chanru li cua̱nc saꞌ ruchichꞌochꞌ.

Proverbios 6:20

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal li nequeꞌxqꞌue le̱ naꞌ e̱yucuaꞌ. Me̱tzꞌekta̱na li naꞌleb nequeꞌxqꞌue.