Proverbios 7:3 - Li Santil hu

³ Chebacꞌ chiru le̱ rukꞌ re nak junelic yo̱kex chirilbal. Ut junelic cua̱nk saꞌ le̱ chꞌo̱l.

Q'eqchi Bible

³ Chatz'ejwali aawib' rik'in, ut maatz'eq chirix laawaanm.

Proverbios 7:3 ပူးပေါင်းရင်းမြစ်များ

Proverbios 3:3

Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Isaías 30:8

Li Ka̱cuaꞌ quixye cue nak tintzꞌi̱ba retalil saꞌ jun li hu chanru lix naꞌlebeb laj Israel. Li hu aꞌan cua̱nk junelic ut aꞌanak retalil chanru lix naꞌlebeb.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

Proverbios 6:21

Junelic cua̱nk saꞌ e̱chꞌo̱l le̱ chakꞌrabinquil ut me̱canab xba̱nunquil.

Jeremías 17:1

Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Proverbios 7:4

Cheqꞌue xlokꞌal li cha̱bil naꞌleb joꞌ nak nequeqꞌue xlokꞌal le̱ ranab. Qꞌue saꞌ a̱chꞌo̱l li se̱bal chꞌo̱lej joꞌ nak nacaqꞌue saꞌ a̱chꞌo̱l la̱ cuechꞌalal.

Proverbios 4:21

Me̱canab xba̱nunquil li cꞌaꞌru ninye. Checanab ban saꞌ e̱chꞌo̱l.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.