Proverbios 7:24 - Li Santil hu

²⁴ Joꞌcan ut, ex cualal incꞌajol, cherabihak li cꞌaꞌru tinye e̱re. Canabomak e̱rib chirabinquil le̱ naꞌleb tinqꞌue.

Q'eqchi Bible

²⁴ Jo'kan utan, at walal ink'ajol, chinaawab'i; k'e sa' laach'ool li aatin ninye aawe.

Proverbios 7:24 ပူးပေါင်းရင်းမြစ်များ

Proverbios 5:7

Anakcuan ut, ex cualal incꞌajol, cherabihak lix ya̱lal li yo̱quin chixchꞌolobanquil che̱ru. Junelic cheba̱nuhak li cꞌaꞌru ninye e̱re.

Proverbios 4:1

Ex cualal incꞌajol, cherabihak le̱ tijbal li yo̱quin chixyebal e̱re. Cheqꞌuehak retal chi us re nak te̱tau e̱naꞌleb.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.

Salmos 34:12

¿Ma te̱raj nak najtak rok le̱ yuꞌam saꞌ ruchichꞌochꞌ? Ut, ¿ma te̱raj nak sa cua̱nkex?

Proverbios 13:1

Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.