Proverbios 7:13 - Li Santil hu

¹³ Nak quiril ru li al li ixk aꞌin, quixkꞌalu ut quirutzꞌ ru. Chi ma̱cꞌaꞌ xxuta̱n quixye re:

Q'eqchi Bible

¹³ Naq li ixq kiril ru li al, kixq'alu ut kixtz'ub' ru, ut chi maak'a' xxutaan kixye re:

Proverbios 7:13 ပူးပေါင်းရင်းမြစ်များ

Génesis 39:12

Li ixk qui-oc saꞌ junpa̱t ut quixchap li rakꞌ laj José ut quixye re: —Anakcuan tatcua̱rk cuiqꞌuin, chan re. Laj José saꞌ junpa̱t quie̱lelic chiru li ixk. Xban nak quia̱linac saꞌ junpa̱t quicana li rakꞌ saꞌ rukꞌ li ixk.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

Ezequiel 16:33

Junak li ixk li naxcꞌayi rib naxcꞌul xtojbal. Abanan la̱at incꞌaꞌ caba̱nu chi joꞌcan. La̱at ban chic nacatqꞌuehoc xma̱taneb li cui̱nk li nequeꞌchal yalak bar chi ma̱cobc a̱cuiqꞌuin.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Ezequiel 2:4

Kꞌaxal joskꞌeb ut kꞌaxal cauheb xchꞌo̱l. La̱in yo̱quin cha̱taklanquil riqꞌuineb re nak ta̱ye reheb: Joꞌcaꞌin xye li Ka̱cuaꞌ Dios.

Isaías 50:7

Li Ka̱cuaꞌ Dios aꞌan li natenkꞌan cue. Joꞌcan nak incꞌaꞌ ra nacuecꞌa nak niquineꞌxhob. La̱in xakxo̱quin chi cau joꞌ jun li sako̱nac. La̱in ninnau nak incꞌaꞌ xuta̱nal tine̱lk mokon.

Proverbios 21:29

Eb li incꞌaꞌ useb xnaꞌleb nequeꞌxye nak cauheb rib. Abanan li ti̱queb xchꞌo̱l nequeꞌxnau cua̱nc saꞌ ti̱quilal.

Números 31:16

Aꞌaneb li ixk li queꞌtacchiꞌi̱c xban laj Balaam. Ut aꞌan eb li queꞌqꞌuehoc reheb laj Israel chi ma̱cobc chiru li Ka̱cuaꞌ ut queꞌxlokꞌoni laj Baal-peor. Xbaneb aꞌan nak li Dios xtakla li raylal saꞌ xbe̱n li tenamit Israel.

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Génesis 39:7

Joꞌcan nak li rixakil laj Potifar cꞌajoꞌ nak quicuulac chiru. Saꞌ jun li cutan li rixakil laj Potifar quixye re: —At José, quim arin. Anakcuan tatcua̱rk cuiqꞌuin, chan li ixk.

Salmos 59:3

Cuanqueb li cui̱nk cuanqueb xcuanquil yo̱queb chixsicꞌbal chanru nak tineꞌxcamsi. La̱in ma̱cꞌaꞌ yo̱quin. Ma̱cꞌaꞌ inma̱c. Abanan, at inDios, teꞌraj incamsinquil.

Proverbios 9:15

Ut naxbokeb li yo̱queb chi numecꞌ aran, li ti̱queb xchꞌo̱l.