Proverbios 7:10 - Li Santil hu

¹⁰ Ut li ixk qui-el chak chixcꞌulbal li al. Li xtikibanquil joꞌ nak nequeꞌxtikib ribeb li ixk li nequeꞌxcꞌayi ribeb. Ut se̱b xchꞌo̱l chi kꞌunbesi̱nc.

Q'eqchi Bible

¹⁰ Toja' naq li ixq ki'elk chaq chi xk'ulb'al, tiqto chaq chi chaab'il; ut na'ilok jo' junaq aj yumb'eet.

Proverbios 7:10 ပူးပေါင်းရင်းမြစ်များ

1 Timoteo 2:9

Ut nacuaj ajcuiꞌ nak eb li ixk cheꞌxtikibak rib chi cha̱bil joꞌ xcꞌulub junak aj pa̱banel ut incꞌaꞌ teꞌxnimobresi rib riqꞌuin lix tikibanquil chi moco teꞌxtikib rib yal re nak teꞌrahekꞌ ru. Joꞌ ajcuiꞌ riqꞌuin xyi̱banquil li rismal xjolom. Joꞌ li cꞌaꞌ re ru teꞌxqꞌue cuiꞌ xsahob ru joꞌ li oro ut li terto̱quil pec. Incꞌaꞌ teꞌxqꞌue xcuanquil li nequeꞌxqꞌue chokꞌ xsahob ruheb.

Jeremías 4:30

La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

2 Reyes 9:30

Chirix chic aꞌan laj Jehú quisukꞌi Jezreel ut lix Jezabel quirabi resil. Quixbon li ru ut quixyi̱b chi us li rismal ut quixxakab rib chi iloc saꞌ ventana.

Isaías 23:16

La̱ex aj Tiro, li incꞌaꞌ chic nequexjultica̱c, li chanchanex li ixk li nequeꞌxcꞌayi ribeb, te̱beni xsaꞌ li tenamit ut chꞌeꞌomak chi cha̱bil le̱ cuajb ut bichahomak nabalak li bich. Ma̱re chi joꞌcan texjultica̱k cuiꞌchic.

2 Reyes 9:22

Nak li rey Joram quiril laj Jehú quixye re: —At Jehú, ¿ma saꞌ usilal xatchal? chan. Laj Jehú quixye re: —¿Chanru nak tocua̱nk saꞌ usilal nak lix Jezabel la̱ naꞌ toj yo̱ chixlokꞌoninquileb li yi̱banbil dios ut cꞌajoꞌ li tu̱lac yo̱? chan.

Génesis 3:1

Li cꞌantiꞌ kꞌaxal cuiꞌchic cuan xnaꞌleb chiruheb chixjunileb li xul li quixyoꞌobtesi li Ka̱cuaꞌ Dios. Kꞌaxal se̱b xchꞌo̱l chixba̱nunquil li incꞌaꞌ us. Li cꞌantiꞌ quixye re li ixk: —¿Ma relic chi ya̱l nak li Dios quixye e̱re nak incꞌaꞌ naru te̱lou li ru chixjunileb li cheꞌ li cuan saꞌ xnaꞌaj li acui̱mk?—

Proverbios 23:28

Eb li ixk aꞌan chanchaneb laj e̱lkꞌ yo̱queb chixqꞌuebal retal jokꞌe naru teꞌxqꞌue chi tꞌanecꞌ li cui̱nk. Ut nabaleb li cui̱nk nequeꞌxqꞌue chi sachc.