Proverbios 6:6 - Li Santil hu

⁶ Ilomakeb li sa̱nc, la̱ex li incꞌaꞌ nacuulac che̱ru cꞌanjelac. Qꞌuehomak retal li cꞌaꞌru nequeꞌxba̱nu ut tzolomak e̱rib riqꞌuineb.

Q'eqchi Bible

⁶ Laa'at li ink'a' nawulak chawu k'anjelak, il li sank, chak'e reetal chanru yo chi k'anjelak ut tzol aawib' rik'in.

Proverbios 6:6 ပူးပေါင်းရင်းမြစ်များ

Proverbios 20:4

Li ani incꞌaꞌ nacuulac chiru cꞌanjelac incꞌaꞌ na-au saꞌ xkꞌehil li a̱uc. Abanan nak nacuulac xkꞌehil li kꞌoloc naxic chi kꞌoloc. Ma̱cꞌaꞌ naxtau xban nak incꞌaꞌ nacꞌanjelac.

Proverbios 18:9

Li incꞌaꞌ naraj trabajic, aꞌan juntakꞌe̱t riqꞌuin li nasachoc.

Proverbios 6:9

Ut la̱ex li incꞌaꞌ nequeraj cꞌanjelac, ¿jokꞌe te̱canab li cua̱rc? ¿Ma incꞌaꞌ texcuacli̱k? ¿Ma junelic yocyo̱kex?

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

Proverbios 13:4

Li incꞌaꞌ nacuulac chiru trabajic yal naxrahi ru li cꞌaꞌak re ru ut incꞌaꞌ naxtau. Abanan li ani natrabajic nacuan cꞌaꞌru re.

San Mateo 25:26

Ut li patrón quijoskꞌoꞌ ut quixye re: “Incꞌaꞌ us la̱ naꞌleb. Incꞌaꞌ nacacuaj trabajic. Xanau nak ninkꞌoloc bar incꞌaꞌ nin-au cuiꞌ. Ut xanau nak ninxococ bar incꞌaꞌ ninpajin cuiꞌ iyaj.

Proverbios 30:25

Eb li sa̱nc ma̱cꞌaꞌeb xmetzꞌe̱u. Abanan nequeꞌxcꞌu̱la lix tzacae̱mkeb saꞌ sakꞌehil re nak ta̱cua̱nk xtzacae̱mkeb saꞌ habalkꞌe.

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

Proverbios 21:25

Li ani incꞌaꞌ nequeꞌcꞌanjelac nequeꞌcam. Xban nak incꞌaꞌ nequeꞌcꞌanjelac, incꞌaꞌ nequeꞌxtzaca li cꞌaꞌru nequeꞌxrahi ru.

Proverbios 19:15

Li ani incꞌaꞌ nacuulac chiru trabajic, junes cua̱rc naraj. Ut li ani incꞌaꞌ nacꞌanjelac, naxcuy xtzꞌocajic xban nak ma̱cꞌaꞌ xcua.

Proverbios 22:13

Li ani incꞌaꞌ naraj trabajic naxsicꞌ xya̱lal chanru nak incꞌaꞌ nacꞌanjelac. Naxye nak incꞌaꞌ naru naxic chi trabajic xban nak cuan jun li cakcoj saꞌ be naru nacamsi̱c xban.

Proverbios 10:26

Junak mo̱s incꞌaꞌ naraj trabajic, ra tixcꞌul lix patrón riqꞌuin. Chanchan nak narahoꞌ li ruch re xban li vinagre malaj ut chanchan xrahil li sib na-oc saꞌ xnakꞌ ru.

Proverbios 19:24

Li incꞌaꞌ nacuulac chiru cꞌanjelac naxchꞌic li rukꞌ saꞌ li plato. Abanan chi moco li tzacae̱mk naraj xqꞌuebal saꞌ re.

San Mateo 6:26

Cheqꞌuehak retal li xul li nequeꞌrupupic chiru choxa. Eb aꞌan incꞌaꞌ nequeꞌau, chi moco nequeꞌkꞌoloc chi moco nequeꞌxxoc xtzacae̱mk saꞌ cꞌu̱leba̱l. Ut le̱ Yucuaꞌ cuan saꞌ choxa, aꞌan naqꞌuehoc xcuaheb. ¿Ma incꞌaꞌ ta biꞌ kꞌaxal raro̱quex la̱ex chiruheb aꞌan?

Proverbios 15:19

Chixjunil chꞌaꞌaj xba̱nunquil chiru li ani incꞌaꞌ nacuulac chiru cꞌanjelac. Abanan chiru li ani nacuulac chiru cꞌanjelac, ma̱cꞌaꞌ chꞌaꞌaj xba̱nunquil.

Proverbios 1:17

¿Cꞌaꞌru aj e nak teꞌxram saꞌ xbeheb li cristian, cui li cristian nequeꞌxnau nak yo̱keb xrambal?

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Proverbios 23:19

Abihomak, ex cualal incꞌajol. Chicua̱nk e̱naꞌleb ut qꞌuehomak e̱chꞌo̱l chi cua̱nc saꞌ ti̱quilal.

Proverbios 30:24

Cuanqueb ca̱hib pa̱y ru li xul saꞌ ruchichꞌochꞌ kꞌaxal coqꞌueb. Abanan kꞌaxal cuan xnaꞌlebeb chiruheb li jun chꞌol chic.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

Proverbios 10:4

Li ani cau nacꞌanjelac cuan xbiomal. Ut li ani incꞌaꞌ nacꞌanjelac junelic nebaꞌ.