Proverbios 6:32 - Li Santil hu

³² Li ani naxchꞌic rib riqꞌuin junak sumsu, aꞌan ma̱cꞌaꞌ xnaꞌleb. Li jun aꞌan naxsach rib xjunes.

Q'eqchi Bible

³² Ab'an li naxch'ik rib' rik'in junaq ab'li ixq, xjunes rib' naxsach li xyu'am.

Proverbios 6:32 ပူးပေါင်းရင်းမြစ်များ

Proverbios 7:7

Ut queꞌcuil jun chꞌu̱taleb li sa̱j al incꞌaꞌ nequeꞌxnau cꞌoxlac. Ut quinqꞌue retal saꞌ xya̱nkeb jun li sa̱j al toj ma̱jiꞌ naxtau xnaꞌleb.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Éxodo 20:14

Mexmuxuc caxa̱r.

Génesis 41:39

Ut quixye re laj José: —Li Ka̱cuaꞌ Dios xcꞌutuc re cha̱cuu chixjunil li naꞌleb aꞌin. Xban aꞌan, ma̱ ani chic junak cuan xnaꞌleb cha̱cuu la̱at.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

Jeremías 5:8

Chanchaneb li cacua̱y li yo̱queb ru ut yo̱queb chixjapbal reheb. Teꞌraj ru xic chixchapbal rixakileb li ras ri̱tzꞌin.

Proverbios 9:4

Queꞌoc chixyebal reheb li toj sa̱jeb: —Quimkex la̱ex li ma̱cꞌaꞌ e̱naꞌleb. La̱ex li incꞌaꞌ nequetau xya̱lal, cha̱lkex.

Proverbios 8:36

Li ani natzꞌekta̱nan re li cha̱bil naꞌleb, raylal nachal saꞌ xbe̱n. Ut chixjunileb li xicꞌ nequeꞌiloc re, aꞌ li ca̱mc nequeꞌxbok saꞌ xbe̱neb.

Oseas 13:9

Anakcuan xex-osoꞌ, la̱ex aj Israel. La̱in raj tintenkꞌa̱nk e̱re, abanan la̱ex xine̱tzꞌekta̱na.

Proverbios 6:33

Kꞌaxal ra tixcꞌul. Ma̱ ani ta̱rahok re ut xuta̱nal tixcꞌul chi junelic.

Proverbios 10:13

Li ani cuan xnaꞌleb naxnau a̱tinac saꞌ xya̱lal. Abanan li ani incꞌaꞌ naxtau xnaꞌleb, naqꞌueheꞌ xlob.

Proverbios 10:21

Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.

Proverbios 11:12

Li ani ma̱cꞌaꞌ xnaꞌleb naxhob li ras ri̱tzꞌin. Ut li ani cuan xnaꞌleb incꞌaꞌ naxhob li ras ri̱tzꞌin.

Proverbios 12:11

Li ani naxqꞌue xchꞌo̱l chi a̱uc ta̱cua̱nk nabal lix tzacae̱mk. Abanan li ani nequeꞌxic xchꞌo̱l chirix li ma̱cꞌaꞌ na-oc cuiꞌ ma̱cꞌaꞌeb xnaꞌleb.

Proverbios 24:30

Xinnumeꞌ chak cuan cuiꞌ xnaꞌaj li racui̱mk li cui̱nk li incꞌaꞌ naraj trabajic. Ut xinnumeꞌ ajcuiꞌ saꞌ li naꞌajej li aubil cuiꞌ lix uvas li ma̱cꞌaꞌ xnaꞌleb.

Proverbios 2:2

Qꞌuehomak e̱chꞌo̱l chirabinquil li cha̱bil naꞌleb. Ut qꞌuehomak e̱chꞌo̱l chixtaubal ru li se̱bal chꞌo̱lej.