Proverbios 6:29 - Li Santil hu

²⁹ Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.

Q'eqchi Bible

²⁹ Jo'kan ajwi' naxk'ul li naxch'ik rib' rik'in rixaqil li ras riitz'in: chixjunil li nach'e'ok re li ixq a'an, ink'a' taakuymanq li xmaak.

Proverbios 6:29 ပူးပေါင်းရင်းမြစ်များ

1 Corintios 7:1

Xetakla chak xpatzꞌbal cue chirix li sumla̱c ut anakcuan tinsume le̱ hu. Us raj chokꞌ re li cui̱nk nak ma̱cꞌaꞌak rixakil.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Ezequiel 22:11

Cuanqueb li cui̱nk nequeꞌxmakꞌ rixakil li ras ri̱tzꞌin. Ut cuanqueb li cui̱nk nequeꞌxchꞌic rib riqꞌuineb li ralib. Ut cuanqueb ajcuiꞌ li nequeꞌxchꞌic rib riqꞌuin lix rabin li xcab xyucuaꞌ.

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Levítico 18:20

Junak cui̱nk incꞌaꞌ naru naxchꞌic rib riqꞌuin li rixakil li ras ri̱tzꞌin. Cui tixba̱nu li ma̱usilal aꞌan, tixmux rib.

Proverbios 6:28

¿Ma ta̱ru̱k ta biꞌ ta̱be̱k saꞌ xbe̱n li ru xam chi incꞌaꞌ tixcꞌat li rok?

Ezequiel 18:6

Incꞌaꞌ naxlokꞌoniheb li yi̱banbil dios li cuanqueb Israel, chi moco naxcuaꞌ li tzacae̱mk mayejanbil saꞌ li tzu̱l. Incꞌaꞌ naxchꞌic rib riqꞌuin rixakil li ras ri̱tzꞌin, chi moco nacuan riqꞌuin li rixakil nak yo̱ xyajel re li po.

Ezequiel 33:26

Cau e̱chꞌo̱l saꞌ xbe̱n le̱ chꞌi̱chꞌ ut nequeba̱nu li ma̱usilal. Nequemux ru li rixakil le̱ ras e̱ri̱tzꞌin. Cui toj yo̱quex chixba̱nunquil li ma̱usilal, ¿chanru nak te̱re̱chani li naꞌajej aꞌin?

Génesis 20:2

Nak ac cuanqueb aran, laj Abraham quixye: —Lix Sara ma̱cuaꞌ cuixakil. Aꞌan cuanab, chan. Lix reyeb li tenamit Gerar, aꞌan laj Abimelec. Li rey aꞌan quixtakla xcꞌambal lix Sara chokꞌ rixakil.

2 Samuel 11:27

Nak quinumeꞌ lix rahil xchꞌo̱l, laj David quixtakla xcꞌambal lix Betsabé saꞌ rochoch. Ut lix Betsabé quicana chokꞌ rixakil laj David. Quiyoꞌla jun lix cꞌulaꞌal chꞌina te̱lom. Abanan incꞌaꞌ quicuulac chiru li Ka̱cuaꞌ li cꞌaꞌru quixba̱nu laj David.