Proverbios 6:23 - Li Santil hu

²³ Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Q'eqchi Bible

²³ Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Proverbios 6:23 ပူးပေါင်းရင်းမြစ်များ

Salmos 119:105

La̱ cua̱tin chanchan jun li lámpara xban nak naxcutanobresi lin naꞌleb ut naxcꞌut chicuu cꞌaꞌru tinba̱nu.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

Proverbios 15:31

Li ani narabi lix kꞌusbal cha̱bil ta̱cua̱nk. Ut ta̱cua̱nk xnaꞌaj saꞌ xya̱nkeb li cuanqueb xnaꞌleb.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

Proverbios 4:4

Ut lin yucuaꞌ nak quixqꞌue chak innaꞌleb quixye cue chi joꞌcaꞌin: —Chicana̱k taxak saꞌ a̱chꞌo̱l la̱ kꞌusbal li yo̱quin xqꞌuebal a̱cue. Ut chaba̱nuhak taxak li cꞌaꞌru yo̱quin xyebal a̱cue re nak us tatcua̱nk saꞌ ruchichꞌochꞌ.

Jeremías 21:8

Ut ta̱ye ajcuiꞌ reheb li tenamit nak la̱in li Ka̱cuaꞌ ninye chi joꞌcaꞌin: La̱in texincanab re te̱sicꞌ li cꞌaꞌru te̱raj xba̱nunquil. ¿Ma te̱raj ca̱mc malaj ut toj te̱raj cua̱nc chi yoꞌyo?

Proverbios 29:15

Li alalbej li natijeꞌ ut naqꞌueheꞌ xtzꞌu̱m, aꞌan naxtau xnaꞌleb. Abanan li alalbej li nakꞌunbesi̱c, aꞌan naxcꞌut xxuta̱n lix naꞌ.

Proverbios 15:24

Li ani naxnau cꞌoxlac ta̱xic saꞌ choxa xban nak cuan saꞌ ti̱quilal. Ut tixcol rib chiru lix naꞌajeb li camenak.

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Apocalipsis 2:5

Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Proverbios 3:18

Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

Génesis 39:8

Laj José incꞌaꞌ quiraj xba̱nunquil li quixye li ixk ut quixye re: —Lin patrón laj Potifar incꞌaꞌ nacꞌoxlac chicuix riqꞌuin li cꞌaꞌru cuan re. Chixjunil quixkꞌaxtesi saꞌ cuukꞌ.

Salmos 119:130

La̱ cua̱tin naxcutanobresi li kacꞌaꞌux ut naxqꞌue xnaꞌlebeb li ma̱cꞌaꞌeb xnaꞌleb.

Proverbios 10:17

Li ani naxqꞌue saꞌ xchꞌo̱l lix tijbal tixtau li cha̱bil yuꞌam. Ut li ani incꞌaꞌ naxqꞌue saꞌ xchꞌo̱l lix tijbal ta̱sachk.

Eclesiastés 7:5

Kꞌaxal us nak tokꞌusekꞌ xbaneb li cuanqueb xnaꞌleb chiru nak ta̱qꞌuehekꞌ kalokꞌal xbaneb li ma̱cꞌaꞌeb xnaꞌleb.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Ezequiel 20:11

La̱in quinqꞌue lin chakꞌrab reheb ut quincꞌut chiruheb chanru teꞌxba̱nu xban nak li ani naxba̱nu li cꞌaꞌru ninye, cua̱nk xyuꞌam.