Proverbios 6:20 - Li Santil hu

²⁰ Ex cualal incꞌajol, cheqꞌuehak saꞌ e̱chꞌo̱l le̱ kꞌusbal li nequeꞌxqꞌue le̱ naꞌ e̱yucuaꞌ. Me̱tzꞌekta̱na li naꞌleb nequeꞌxqꞌue.

Q'eqchi Bible

²⁰ At walal ink'ajol, k'e sa' laach'ool li raatin ut li xq'usum laana' laayuwa'.

Proverbios 6:20 ပူးပေါင်းရင်းမြစ်များ

Efesios 6:1

Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Proverbios 23:22

Chex-abi̱nk chiru le̱ yucuaꞌ xban nak cui ta ma̱cꞌaꞌ aꞌan, ma̱cꞌaꞌex ajcuiꞌ raj la̱ex. Me̱tzꞌekta̱na le̱ naꞌ nak ac xchecoꞌ. Cheqꞌue ban xlokꞌal.

Proverbios 30:11

Cuanqueb cristian nequeꞌxtzꞌekta̱na xyucuaꞌeb ut incꞌaꞌ nequeꞌxqꞌue xlokꞌal lix naꞌeb.

Deuteronomio 21:18

Ma̱re cua̱nk junak cui̱nk cua̱nk junak ralal li incꞌaꞌ na-abin. Naxkꞌetkꞌeti ban rib. Usta nakꞌuseꞌ, incꞌaꞌ naxcꞌul lix kꞌusbal xbaneb lix naꞌ xyucuaꞌ.

Jeremías 35:8

Yo̱co xba̱nunquil chixjunil li quixye ke laj Jonadab li ralal laj Recab, li kaxeꞌto̱nil yucuaꞌ. La̱o incꞌaꞌ noco-ucꞌac vino, chi moco eb li kixakil chi moco eb li kalal kacꞌajol.

Proverbios 5:1

Ex cualal incꞌajol, cheqꞌuehak retal li naꞌleb li yo̱quin chixyebal e̱re. Ut chicana̱k taxak saꞌ e̱chꞌo̱l lix ya̱lal li yo̱quin chixcꞌutbal che̱ru xban nak ninnau chanru li cua̱nc saꞌ ruchichꞌochꞌ.

Proverbios 5:5

Li cꞌaꞌru naxba̱nu li ixk aꞌan, caꞌaj cuiꞌ li ca̱mc naxqꞌue. Ut aꞌan nacꞌamoc re saꞌ xbalba.

Proverbios 7:7

Ut queꞌcuil jun chꞌu̱taleb li sa̱j al incꞌaꞌ nequeꞌxnau cꞌoxlac. Ut quinqꞌue retal saꞌ xya̱nkeb jun li sa̱j al toj ma̱jiꞌ naxtau xnaꞌleb.