Proverbios 6:19 - Li Santil hu

¹⁹ li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

Q'eqchi Bible

¹⁹ li q'ab'ank sa' li raqleb'aal aatin ut li yoob'ank raaxiik' sa' xyanqeb' li tenamit.

Proverbios 6:19 ပူးပေါင်းရင်းမြစ်များ

Proverbios 19:5

Li ani naxic chi yehoc ticꞌtiꞌ chiru laj rakol a̱tin tixcꞌul xtojbal xma̱c. Ut ma̱cꞌaꞌ naru tixcol cuiꞌ rib.

Proverbios 6:14

Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Santiago 3:18

Li qꞌuebileb xnaꞌleb xban li Dios cuanqueb saꞌ usilal ut nequeꞌxtenkꞌa ajcuiꞌ li ras ri̱tzꞌin chi cua̱nc saꞌ usilal.

Proverbios 19:9

Li ani naxic chi yehoc ticꞌtiꞌ chiru laj rakol a̱tin tixcꞌul xtojbal xma̱c. Li ani naticꞌtiꞌic, aꞌ li ca̱mc naroybeni.

Salmos 27:12

Mina̱kꞌaxtesi saꞌ rukꞌeb li xicꞌ nequeꞌiloc cue. Eb aꞌan nequeꞌxyoꞌob ticꞌtiꞌ chicuix ut nequeꞌraj inrahobtesinquil.

Proverbios 25:18

Li ani naxyoꞌob ticꞌtiꞌ chirix li rami̱g, aꞌan naxba̱nu raylal re. Chanchan junak li martillo, malaj junak li chꞌi̱chꞌ caꞌ pacꞌal xkꞌesnal, malaj ut chanchan li tzimaj kꞌes ruꞌuj.

Proverbios 26:20

Chi ma̱cꞌaꞌ xsiꞌil li xam nachup. Ut nak ma̱cꞌaꞌeb aj molol a̱tin, ma̱cꞌaꞌ chic ple̱t.

Proverbios 22:10

Isihomakeb saꞌ e̱ya̱nk li nequeꞌhoboc. Chi joꞌcan ma̱cꞌaꞌak chic pletic ut hoboc saꞌ e̱ya̱nk.

2 Timoteo 2:23

Ma̱cuaꞌakat jun saꞌ xya̱nkeb li nequeꞌxcuechꞌi rib chirix to̱ntil a̱tin li ma̱cꞌaꞌ aj e. La̱at ac nacanau nak li cuechꞌi̱nc ib junes ra xi̱cꞌ naxqꞌue.

Hechos 6:13

Ut queꞌxsicꞌ ani ta̱ticꞌtiꞌik chirix ut queꞌxkꞌaba aꞌan ut queꞌxye: —Li cui̱nk aꞌin junelic yo̱ chixsachbal xcuanquil li santil naꞌajej aꞌin ut naxtzꞌekta̱na li chakꞌrab li quiqꞌueheꞌ re laj Moisés.

Proverbios 16:28

Li incꞌaꞌ useb xnaꞌleb nequeꞌyoꞌoban ple̱t. Ut li ani namoloc a̱tin nequeꞌxqꞌueheb saꞌ chꞌaꞌajquilal li rami̱gueb rib.

Proverbios 12:17

Li ani ti̱c xchꞌo̱l naxye li ya̱l nak naxic chi a̱tinac chirix li ras ri̱tzꞌin. Abanan eb li incꞌaꞌ ti̱queb xchꞌo̱l incꞌaꞌ nequeꞌxye li ya̱l nak nequeꞌxic chi a̱tinac chirixeb li ras ri̱tzꞌin.

San Mateo 26:59

Ut eb li xbe̱nil aj tij ut eb li nequeꞌcꞌamoc be saꞌ xya̱nkeb laj judío ut chixjunileb li nequeꞌtzꞌiloc a̱tin yo̱queb chixsicꞌbal chanru nak teꞌxyoꞌob junak a̱tin chirix li Jesús re nak ta̱ru̱k teꞌxkꞌaxtesi chi camsi̱c.

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

Salmos 35:11

Nabal nequeꞌkꞌaban cue ut nequeꞌxqꞌue saꞌ inbe̱n li ma̱c li incꞌaꞌ xinba̱nu.

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

Éxodo 20:16

Mexyoꞌoban a̱tin chirix le̱ ras e̱ri̱tzꞌin.

Proverbios 14:5

Li ani cha̱bil naxye li ya̱l chirix li ras ri̱tzꞌin. Abanan li incꞌaꞌ cha̱bil incꞌaꞌ naxye li ya̱l. Naxye ban li ticꞌtiꞌ.

Proverbios 21:28

Li ani naticꞌtiꞌic chiru laj rakol a̱tin ta̱sachekꞌ ru. Abanan li ani naxye li ya̱l, xakxo saꞌ xnaꞌaj li ra̱tin.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.