Proverbios 6:17 - Li Santil hu

¹⁷ li ani naxnimobresi rib ut li ani naticꞌtiꞌic, ut li ani naxcamsi ras ri̱tzꞌin chi ma̱cꞌaꞌ xma̱c,

Q'eqchi Bible

¹⁷ li q'etq'etil, li tik'ti'ik, li kamsink poyanam maak'a'eb' xmaak,

Proverbios 6:17 ပူးပေါင်းရင်းမြစ်များ

Proverbios 12:22

Li Ka̱cuaꞌ xicꞌ narileb li nequeꞌticꞌtiꞌic. Abanan nasahoꞌ riqꞌuineb li nequeꞌxye li ya̱l.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Salmos 101:5

La̱in tinye reheb nak teꞌxcanab a̱tinac li nequeꞌxyoꞌob a̱tin chirixeb li ras ri̱tzꞌin. Ut incꞌaꞌ tincuy xma̱queb li nequeꞌxkꞌetkꞌeti ribeb ut nequeꞌxnimobresi ribeb.

Salmos 5:6

La̱at tatsachok reheb li nequeꞌticꞌtiꞌic, ut xicꞌ nacacuil li ani naxcamsi ras ri̱tzꞌin joꞌ ajcuiꞌ eb laj balakꞌ.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Deuteronomio 27:25

Tzꞌekta̱nanbil li ani ta̱tumina̱k ru re nak tixcamsi li ras ri̱tzꞌin li ma̱cꞌaꞌ xma̱c. Ut chixjunileb li tenamit teꞌxye: Joꞌcan taxak.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Isaías 3:16

Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Proverbios 26:28

Li ani naticꞌtiꞌic xicꞌ naril li nacꞌuluc raylal xban lix ticꞌtiꞌ. Ut li a̱tinac riqꞌuin cha̱bil a̱tin chi yal xcab rix xchꞌo̱l, aꞌan ma̱cꞌaꞌ na-oc cuiꞌ. Caꞌaj cuiꞌ nasachoc.

Salmos 18:27

La̱at nacacoleb li tu̱laneb ut nacacubsi xcuanquileb li nequeꞌxnimobresi ribeb.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

Deuteronomio 19:10

Chesicꞌ ruheb li tenamit aꞌin re nak incꞌaꞌ teꞌcamsi̱k saꞌ le̱ naꞌaj li ani ma̱cꞌaꞌ xma̱c. Cheba̱nu aꞌan re nak incꞌaꞌ texma̱cobk riqꞌuin xcamsinquil li ani ma̱cꞌaꞌ xma̱c saꞌ li naꞌajej li tixqꞌue e̱re li Ka̱cuaꞌ le̱ Dios.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Proverbios 30:13

Cuanqueb li nequeꞌxnimobresi ribeb ut nequeꞌxkꞌetkꞌeti ribeb chiruheb li ras ri̱tzꞌin.

Proverbios 14:5

Li ani cha̱bil naxye li ya̱l chirix li ras ri̱tzꞌin. Abanan li incꞌaꞌ cha̱bil incꞌaꞌ naxye li ya̱l. Naxye ban li ticꞌtiꞌ.

Salmos 31:18

Chamemobresiheb li nequeꞌticꞌtiꞌic. Eb aꞌan nequeꞌxhobeb li ti̱queb xchꞌo̱l ut nequeꞌxmajecuaheb.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Proverbios 17:7

Incꞌaꞌ us chokꞌ reheb li ma̱cꞌaꞌ xnaꞌleb nak teꞌxnimobresi ribeb chi a̱tinac. Joꞌcan ajcuiꞌ li cui̱nk li cuan xcuanquil, incꞌaꞌ us cui naticꞌtiꞌic.

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Salmos 131:1

At nimajcual Dios, la̱in incꞌaꞌ ninnimobresi cuib, chi moco ninkꞌetkꞌeti cuib, chi moco naxic inchꞌo̱l riqꞌuin xtzolbal li xni̱nkal ru naꞌleb li chꞌaꞌaj xtaubal ru.

Salmos 10:4

Xban nak nequeꞌxnimobresi ribeb, li incꞌaꞌ useb xnaꞌleb incꞌaꞌ queꞌxsicꞌ li Dios. Ut incꞌaꞌ nequeꞌxcꞌoxla li Dios.

Proverbios 1:16

Eb aꞌan teꞌraj ru xba̱nunquil li incꞌaꞌ us ut teꞌraj ru camsi̱nc.

Proverbios 6:16

Cuan cuukub li naꞌleb li incꞌaꞌ nacuulac chiru li Dios. Aꞌan eb aꞌin:

Proverbios 28:17

Li ani ta̱ma̱cobk riqꞌuin xcamsinquil li ras ri̱tzꞌin, aꞌan tixtoj rix lix ma̱c chalen toj saꞌ lix camic. Ut ma̱ ani naru natenkꞌan re.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

2 Reyes 21:16

Kꞌaxal cuiꞌchic nabaleb li ma̱cꞌaꞌeb xma̱c quixcamsi laj Manasés. Chanchan nak quinujac li tenamit Jerusalén chi quicꞌ. Ut quixcꞌameb ajcuiꞌ xbeheb laj Judá chi ma̱cobc chiru li Ka̱cuaꞌ.

Salmos 5:7

Abanan la̱in, xban xnimal la̱ cuusilal, tincua̱nk chi sum a̱tin a̱cuiqꞌuin. Tinqꞌue a̱cuanquil ut saꞌ la̱ santil ochoch tatinlokꞌoni.

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.