Proverbios 6:14 - Li Santil hu

¹⁴ Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Q'eqchi Bible

¹⁴ Yib'ru li xna'leb': junes maa'usilal wank sa' xch'ool ut junelik yo chi xyoob'ankil raaxiik'.

Proverbios 6:14 ပူးပေါင်းရင်းမြစ်များ

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Romanos 16:17

Ut nintzꞌa̱ma che̱ru, ex herma̱n, nak cheqꞌuehak retal li nequeꞌyoꞌoban jachoc ib saꞌ e̱ya̱nk ut nequeꞌraj xpoꞌbal ru le̱ pa̱ba̱l, li tzolbilex cuiꞌ. Me̱junaji e̱rib riqꞌuineb aꞌan.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Ezequiel 11:2

Li Ka̱cuaꞌ quixye cue: —At ralal cui̱nk, aꞌaneb aꞌin li cui̱nk li yo̱queb chixcꞌu̱banquil ru li ma̱usilal ut yo̱queb chixtacchiꞌinquileb li tenamit aꞌin.

Isaías 57:20

Abanan eb li incꞌaꞌ useb xnaꞌleb incꞌaꞌ teꞌcua̱nk chi tuktu xchꞌo̱leb. Chanchanakeb li palau li yo̱ chi ecꞌa̱nc ru. Nasasoꞌ ru ut incꞌaꞌ natukla ru.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Proverbios 22:8

Li ani naxba̱nu ma̱usilal, ma̱usilal ajcuiꞌ tixcꞌul. Ut ta̱cuulak xkꞌehil nak incꞌaꞌ chic ta̱ru̱k tixcꞌutbesi lix joskꞌil.

Proverbios 21:8

Li incꞌaꞌ useb xnaꞌleb junes ma̱usilal nequeꞌxba̱nu. Abanan li cha̱bileb xnaꞌleb nequeꞌxba̱nu li ti̱quilal.

Proverbios 3:29

Ut me̱cꞌoxla xba̱nunquil raylal reheb le̱ rechcabal, xban nak ma̱re cꞌojcꞌo xchꞌo̱l e̱riqꞌuin.

Proverbios 2:14

Nequeꞌsahoꞌ xchꞌo̱l chixba̱nunquil li incꞌaꞌ us. Nequeꞌxkꞌaxtesi rib chixba̱nunquil li ma̱usilal.

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Salmos 140:2

Junelic yo̱queb chixcꞌu̱banquil chanru nak teꞌxba̱nu li raylal. Junes yoꞌoba̱nc ple̱t nequeꞌxba̱nu.

Proverbios 16:27

Eb li incꞌaꞌ useb xnaꞌleb junes ma̱usilal nequeꞌxcꞌoxla xba̱nunquil. Ra nanak cuiꞌ li ra̱tineb. Chanchan li xam.

Proverbios 17:20

Li incꞌaꞌ useb xnaꞌleb ma̱ jokꞌe teꞌxtau li us. Ut li ani nacuulac chiru balakꞌic riqꞌuin li cꞌaꞌru naxye naxbok chꞌaꞌajquilal saꞌ xbe̱n.

Proverbios 24:8

Li ani junes li incꞌaꞌ us naxcꞌoxla xba̱nunquil, “aꞌan incꞌaꞌ us xnaꞌleb” ta̱yehekꞌ re.

Salmos 140:3

Kꞌaxal se̱beb re chi a̱tinac. Chanchaneb li cꞌantiꞌ li nacamsin saꞌ junpa̱t. Li cꞌaꞌru na-el chi xtzꞌu̱mal reheb chanchan xmay li cꞌantiꞌ li nacamsin.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.