Proverbios 5:22 - Li Santil hu

²² Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Q'eqchi Bible

²² Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Proverbios 5:22 ပူးပေါင်းရင်းမြစ်များ

Proverbios 11:5

Li ani cha̱bil nacoleꞌ xban xti̱quilal xchꞌo̱l. Abanan li nequeꞌxba̱nu ma̱usilal aꞌ ajcuiꞌ li ma̱usilal nequeꞌxba̱nu naqꞌuehoc reheb chi sachc.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

Salmos 9:15

Li tenamit li incꞌaꞌ nequeꞌpa̱ban cha̱cuu, xjuneseb queꞌxsicꞌ xraylaleb. Chanchan nak queꞌxbec jun li jul ut aꞌaneb ajcuiꞌ queꞌoc chi saꞌ. Ut xeꞌxyi̱b jun li raꞌal ut aꞌaneb ajcuiꞌ li queꞌtꞌaneꞌ chi saꞌ.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Proverbios 11:3

Li ani cha̱bil xnaꞌleb, naxba̱nu li us xban xti̱quilal xchꞌo̱l. Abanan eb li nequeꞌxba̱nu li incꞌaꞌ us, aꞌan ajcuiꞌ lix ma̱queb nasachoc reheb.

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Jueces 20:41

Ut eb li ralal xcꞌajol laj Israel queꞌxsukꞌisi ribeb ut queꞌxtiquib cuiꞌchic pletic riqꞌuineb. Qui-oc xxiuheb li ralal xcꞌajol laj Benjamín xban nak queꞌxqꞌue retal nak teꞌsachekꞌ ruheb.

Salmos 40:12

Nabal li raylal cuan saꞌ inbe̱n. Incꞌaꞌ naru rajlanquil xban xqꞌuialeb. Yo̱ chi chꞌina̱nc inchꞌo̱l xban lin ma̱c ut yo̱ chi mo̱yc li xnakꞌ cuu. Lix qꞌuialeb lin ma̱c kꞌaxal cuiꞌchic nabal chiru xqꞌuialeb li cuismal. Incꞌaꞌ chic cau inchꞌo̱l. Yo̱ ban chi chꞌina̱nc inchꞌo̱l.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Jueces 9:57

Ut li Dios quixqꞌueheb ajcuiꞌ chixtojbal rix lix ma̱queb li cui̱nk li cuanqueb Siquem. Queꞌxcꞌul joꞌ quixye laj Jotam li ralal laj Jerobaal.

1 Reyes 18:18

Laj Elías quixye re: —Ma̱cuaꞌ la̱in li yo̱quin chi qꞌuehoc raylal saꞌ xbe̱n li tenamit Israel. La̱at ban li yo̱cat chi qꞌuehoc raylal a̱cuochben la̱ yucuaꞌ xban nak xetzꞌekta̱na lix chakꞌrab li Ka̱cuaꞌ ut yo̱quex chixlokꞌoninquileb li yi̱banbil dios Baal, chan.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Li xHu LAJ JOB 18:8

Li bar ta̱numekꞌ cuiꞌ, aran ta̱qꞌuehekꞌ junak li raꞌal. Ut saꞌ li raꞌal aꞌan ta̱tꞌanekꞌ.

Salmos 9:17

Chixjunileb li incꞌaꞌ useb xnaꞌleb teꞌtakla̱k saꞌ xbalba xban nak nequeꞌxtzꞌekta̱na li Dios.

Proverbios 11:6

Li ti̱quilal nacoloc re li ani ti̱c xchꞌo̱l. Abanan eb laj ma̱c nachal raylal saꞌ xbe̱neb xban li ma̱c nequeꞌxba̱nu.

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Proverbios 18:7

Li a̱tin li naxye li ma̱cꞌaꞌ xnaꞌleb, aꞌan li nasachoc re. Li a̱tin li naxye, aꞌan chanchan jun raꞌal chokꞌ re.

Proverbios 24:12

Usta ta̱ye nak ma̱cꞌaꞌ nacanau, abanan li Dios naxnau cꞌaꞌru cuan saꞌ a̱chꞌo̱l. Li Dios na-iloc a̱cue ut naxnau cꞌaꞌru yo̱cat. Aꞌan ta̱kꞌajca̱mu̱nk a̱cue aꞌ yal chanru la̱ yehom a̱ba̱nuhom.

Proverbios 26:27

Li ani naxbec junak li jul re xtꞌanbal li ras ri̱tzꞌin, chi saꞌ ajcuiꞌ ta̱tꞌanekꞌ. Ut li ani naxtolcꞌosi junak pec re xtꞌanbal ras ri̱tzꞌin, saꞌ xbe̱n ajcuiꞌ ta̱tꞌanekꞌ.

Abdías 1:15

Joꞌ xeba̱nu reheb laj Judá, joꞌcan ajcuiꞌ te̱cꞌul la̱ex. La̱ex te̱cꞌul le̱ kꞌajca̱munquil. Cuulac re xkꞌehil nak la̱in li Ka̱cuaꞌ tinrakok a̱tin saꞌ xbe̱neb chixjunileb li jalanil tenamit. Ut tinrakok ajcuiꞌ a̱tin saꞌ e̱be̱n la̱ex.