Proverbios 5:20 - Li Santil hu

²⁰ ¿Cꞌaꞌut nak ta̱xic a̱chꞌo̱l chirix junak ixk incꞌaꞌ us xnaꞌleb? Ut, ¿cꞌaꞌut nak ta̱kꞌalu cui ma̱cuaꞌ tzꞌakal a̱cuixakil?

Q'eqchi Bible

²⁰ At walal ink'ajol, k'a'ut naq taak'e aach'ool chirix li ab'li ixq? K'a'ut naq taaq'axtesi aawib' re li maawa' aawixaqil?

Proverbios 5:20 ပူးပေါင်းရင်းမြစ်များ

Proverbios 7:5

Cui cuan e̱naꞌleb te̱nau xcolbal e̱rib chiruheb li ixk li nequeꞌmuxuc caxa̱r. Cui se̱b e̱chꞌo̱l te̱nau xcolbal e̱rib chiruheb li ixk li nequeꞌkꞌunbesin.

Proverbios 6:24

Cui nequeqꞌue saꞌ e̱chꞌo̱l le̱ kꞌusbal, te̱nau xcolbal e̱rib chiruheb li ixk li incꞌaꞌ useb xnaꞌleb, li nequeꞌkꞌunbesin riqꞌuin cha̱bil a̱tin.

Proverbios 23:33

Nak ac xerucꞌ li vino, texqꞌue chi rilbal cꞌaꞌak re ru incꞌaꞌ us ut tex-oc chi a̱tinac yibru aj a̱tin xban nak incꞌaꞌ chic jultic e̱re.

Proverbios 22:14

Li cꞌaꞌru naxye li ixk incꞌaꞌ us xnaꞌleb, aꞌan chanchan jun li jul cham ut aran nequeꞌtꞌaneꞌ li nequeꞌtzꞌekta̱na̱c xban li Ka̱cuaꞌ.

1 Reyes 11:1

Usta ac cuan lix rabin laj faraón chokꞌ rixakil laj Salomón, abanan toj cuanqueb cuiꞌchic nabaleb li ixk jalaneb xtenamit quixraheb. Ut quixcꞌameb chokꞌ rixakil. Eb li ixk aꞌan, jalan jala̱nk xtenamiteb. Aꞌaneb laj Moab, laj Amón, laj Edom, laj Sidón ut eb laj hetea.

Proverbios 5:3

Li ixk li incꞌaꞌ us xnaꞌleb naxnau kꞌunbesi̱nc riqꞌuin chꞌinaꞌusil a̱tin. Sa rabinquil. Chanchan xquiꞌal li yaꞌal cab. Li ra̱tin naxkꞌunobresi xchꞌo̱l li junju̱nk, joꞌ li aceite li nakꞌuntesin.

Malaquías 2:14

Ut la̱ex nequeye, “¿Cꞌaꞌut nak incꞌaꞌ chic naxcꞌul li kamayej li Ka̱cuaꞌ?” chanquex. Aꞌan incꞌaꞌ naxcꞌul xban nak aꞌan naxnau nak la̱ex xekꞌet li a̱tin li quesume chak xba̱nunquil nak quexsumla saꞌ e̱sa̱jilal. Ut le̱ rixakil, aꞌan raj li tzꞌakal e̱rochben ut le̱ sum a̱tin. Abanan anakcuan xekꞌet le̱ ra̱tin li queye saꞌ li contrato li queba̱nu riqꞌuineb le̱ rixakil.

Malaquías 2:16

Li Ka̱cuaꞌ lix Dioseb laj Israel quixye: —La̱in xicꞌ nacuil li ani naxjach rib riqꞌuin li rixakil ut naxmux rib chixba̱nunquil li incꞌaꞌ us, chan li Ka̱cuaꞌ. Joꞌcan nak cherahak le̱ yuꞌam ut me̱mux ru le̱ sumlajic.