Proverbios 4:7 - Li Santil hu

⁷ Tento nak ta̱tau a̱naꞌleb ut ta̱tau lix ya̱lal xban nak aꞌan li kꞌaxal lokꞌ chiru chixjunil li cꞌaꞌru cuan a̱cue.

Q'eqchi Bible

⁷ Chayal aaq'e chi xtawb'al aana'leb'; chaweechani li seeb'al k'a'uxl, us ta tento xk'ayinkil laajunkab'lal.

Proverbios 4:7 ပူးပေါင်းရင်းမြစ်များ

Eclesiastés 7:12

Li naꞌleb naxtenkꞌa li junju̱nk. Joꞌcan ajcuiꞌ li tumin naxtenkꞌa li junju̱nk. Abanan li ani cuan xnaꞌleb naxnau xcolbal rix lix yuꞌam.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

Proverbios 16:16

Kꞌaxal us nak cua̱nk a̱naꞌleb chiru nak cua̱nk nabal la̱ biomal. Kꞌaxal us nak ta̱tau xya̱lal chiru nak cua̱nk nabal la̱ tumin.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Salmos 119:104

Riqꞌuin xtzolbal la̱ cua̱tin nintau innaꞌleb ut xicꞌ nacuil li ma̱usilal.

San Lucas 10:42

Abanan jun ajcuiꞌ li cꞌaꞌru tento xba̱nunquil ut lix María xsicꞌ ru aꞌan. Li kꞌaxal us xba̱nunquil, aꞌan rabinquil li cꞌaꞌru ninye. Ut ma̱ ani ta̱ramok re chiru xba̱nunquil, chan li Jesús.

Proverbios 21:6

Ma̱cꞌaꞌ na-oc cuiꞌ li biomal sicꞌbil riqꞌuin balakꞌic. Yal nanumeꞌ. Xban li balakꞌic nequeꞌxba̱nu yo̱queb chixbokbal li ca̱mc saꞌ xbe̱neb.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Proverbios 4:5

Chatauhak taxak a̱naꞌleb ut chatauhak taxak xya̱lal. Ut incꞌaꞌ taxak ta̱sachk saꞌ a̱chꞌo̱l li cꞌaꞌru yo̱quin chixyebal a̱cue.

Proverbios 8:23

Li cha̱bil naꞌleb ac cuan ajcuiꞌ chak nak toj ma̱jiꞌ naxyi̱b chak li ruchichꞌochꞌ li Dios.

2 Crónicas 1:10

Nintzꞌa̱ma cha̱cuu nak ta̱qꞌue taxak innaꞌleb re nak tinnau takla̱nc saꞌ xbe̱neb. ¿Ani ta biꞌ ta̱ru̱k ta̱takla̱nk saꞌ xbe̱neb la̱ tenamit xban nak kꞌaxal nabaleb? chan laj Salomón.

Proverbios 2:4

Qꞌuehomak e̱chꞌo̱l chixtaubal li cha̱bil naꞌleb. Chesicꞌak toj retal te̱tau joꞌ nak nasiqꞌueꞌ li plata, malaj ut joꞌ nak nasiqꞌueꞌ li cꞌaꞌru terto xtzꞌak.