Proverbios 4:4 - Li Santil hu

⁴ Ut lin yucuaꞌ nak quixqꞌue chak innaꞌleb quixye cue chi joꞌcaꞌin: —Chicana̱k taxak saꞌ a̱chꞌo̱l la̱ kꞌusbal li yo̱quin xqꞌuebal a̱cue. Ut chaba̱nuhak taxak li cꞌaꞌru yo̱quin xyebal a̱cue re nak us tatcua̱nk saꞌ ruchichꞌochꞌ.

Q'eqchi Bible

⁴ Ut linyuwa' xk'e chaq inna'leb', xye we chi jo'ka'in: “K'uula sa' laach'ool eb' li waatin; paab' linchaq'rab', ut tatyo'yooq.

Proverbios 4:4 ပူးပေါင်းရင်းမြစ်များ

Proverbios 3:1

Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

San Juan 12:50

La̱in ninnau nak li cꞌaꞌru naxye cue li Yucuaꞌbej, aꞌan li naqꞌuehoc yuꞌam chi junelic. Ut li cꞌaꞌru ninye la̱in, aꞌan li naxcꞌutbesi chicuu li Yucuaꞌbej.

Proverbios 7:2

Checꞌu̱la saꞌ le̱ chꞌo̱l le̱ chakꞌrabinquil li nequexintakla cuiꞌ re nak us texcua̱nk saꞌ le̱ yuꞌam. Cherahak lin chakꞌrab joꞌ nak nequera li xnakꞌ e̱ru.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Deuteronomio 6:6

Le̱ chakꞌrabinquil li yo̱quin chixyebal e̱re anakcuan, tento ta̱cana̱k saꞌ e̱chꞌo̱l.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

2 Timoteo 1:5

Nak nintijoc najulticoꞌ cue nak chi anchal a̱chꞌo̱l xatpa̱ban. Junxil la̱ naꞌchin lix Loida joꞌ ajcuiꞌ lix Eunice la̱ naꞌ queꞌpa̱ban chi anchaleb xchꞌo̱l ut ninnau nak joꞌcan ajcuiꞌ nak xatpa̱ban la̱at.

Proverbios 22:6

Nak toj coqꞌueb li cocꞌal, us xcꞌutbal chiruheb chanru li cua̱nc saꞌ ti̱quilal ut nak ac xeꞌni̱nkan incꞌaꞌ teꞌxcanab xba̱nunquil.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Salmos 119:168

La̱in ninba̱nu li cꞌaꞌru naxye la̱ chakꞌrab. Ut ninqꞌue inchꞌo̱l chixba̱nunquil li cꞌaꞌru naxye la̱ cua̱tin. La̱at nacanau chanru lin naꞌleb.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Jueces 13:12

Laj Manoa quixye re: —Nak ta̱cuulak xkꞌehil xyoꞌlajic li cꞌulaꞌal li xaye, ¿chanru nak takaqꞌuiresi? Ut, ¿chanru nak ta̱cua̱nk? chan.

Salmos 119:144

Chixjunil li cꞌaꞌru naxye la̱ chakꞌrab kꞌaxal ti̱c ut cuan chi junelic. Chaqꞌue taxak innaꞌleb re nak ta̱cua̱nk inyuꞌam.

Proverbios 3:2

Cui te̱ba̱nu li naxye lin chakꞌrab, ta̱najtokꞌ ru le̱ yuꞌam saꞌ ruchichꞌochꞌ. Ut ta̱cua̱nk li tuktu̱quilal e̱riqꞌuin.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.