Proverbios 4:3 - Li Santil hu

³ La̱in ajcuiꞌ alalbej la̱in. Ut quincꞌul ajcuiꞌ chak inkꞌusbal saꞌ incaꞌchꞌinal nak toj cuanquin chiru lin yucuaꞌ. Raro̱quin xbaneb lin naꞌ inyucuaꞌ.

Q'eqchi Bible

³ Laa'in ajwi' xink'uula'alo': k'ajo' naq xinxra linna'.

Proverbios 4:3 ပူးပေါင်းရင်းမြစ်များ

1 Crónicas 22:5

Laj David quixye: —Tento nak lix templo li Dios yi̱banbilak chi cha̱bil ut qꞌuebilak xlokꞌal xbaneb chixjunileb li cuanqueb saꞌ ruchichꞌochꞌ. Laj Salomón li cualal toj sa̱j al. Joꞌcan nak la̱in tincanab chixjunil yi̱banbil chi us, chan. Joꞌcan nak nabal quixcauresi laj David nak toj yoꞌyo aꞌan.

Romanos 12:16

Junajak e̱chꞌo̱l chi ribil e̱rib. Me̱nimobresi e̱rib chiruheb le̱ ras e̱ri̱tzꞌin, ut me̱cꞌoxla nak numtajenak e̱naꞌleb.

1 Crónicas 29:1

Chirix aꞌan li rey David quia̱tinac riqꞌuineb chixjunileb li chꞌutchꞌu̱queb aran. Quixye reheb: —Laj Salomón li cualal, li sicꞌbil ru xban li Dios, aꞌan toj sa̱j ut li cꞌanjel kꞌaxal nim xban nak li templo li tixyi̱b moco re cui̱nk ta. Re ban li nimajcual Dios.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Jeremías 10:23

Laj Jeremías quitijoc ut quixye: —At Ka̱cuaꞌ, la̱in ninnau nak li cui̱nk incꞌaꞌ tixtakla rib xjunes. Moco aꞌan ta yal re saꞌ xbe̱n li tixba̱nu.

1 Crónicas 3:5

Eb li ca̱hib chi ralal aꞌin queꞌyoꞌla aran Jerusalén: laj Simea, laj Sobab, laj Natán, ut laj Salomón. Lix naꞌ laj Salomón, aꞌan lix Betsabé lix rabin laj Amiel.