Proverbios 4:23 - Li Santil hu

²³ Cheqꞌuehak retal chi us li cꞌaꞌru te̱ba̱nu xban nak riqꞌuin xba̱nunquil li us ta̱cua̱nk e̱yuꞌam.

Q'eqchi Bible

²³ Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Proverbios 4:23 ပူးပေါင်းရင်းမြစ်များ

San Lucas 6:45

Joꞌcan ajcuiꞌ riqꞌuin li cristian. Li ani cha̱bil, cha̱bil ajcuiꞌ lix yehom xba̱nuhom xban nak cuan li cha̱bilal riqꞌuin. Ut li ani incꞌaꞌ cha̱bil, incꞌaꞌ cha̱bil lix yehom xba̱nuhom xban nak ma̱cꞌaꞌ li cha̱bilal riqꞌuin. Riqꞌuin li ra̱tin li junju̱nk nacꞌutun chanru li ra̱m.

Proverbios 13:3

Li ani naxba̱nu cue̱nt riqꞌuin li a̱tinac yo̱ chixcolbal rix lix yuꞌam. Ut li ani nacuulac chiru a̱tinac xjunes naxsach rib.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

Proverbios 23:19

Abihomak, ex cualal incꞌajol. Chicua̱nk e̱naꞌleb ut qꞌuehomak e̱chꞌo̱l chi cua̱nc saꞌ ti̱quilal.

Proverbios 28:26

Li ani naxcꞌojob xchꞌo̱l saꞌ xbe̱n li cꞌaꞌru naxba̱nu xjunes, aꞌan ma̱cꞌaꞌ xnaꞌleb. Abanan li ani cuan xnaꞌleb ta̱colekꞌ.

San Marcos 14:38

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k.—

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Proverbios 4:7

Tento nak ta̱tau a̱naꞌleb ut ta̱tau lix ya̱lal xban nak aꞌan li kꞌaxal lokꞌ chiru chixjunil li cꞌaꞌru cuan a̱cue.

Proverbios 3:21

Ex cualal incꞌajol, me̱canab xba̱nunquil li cha̱bil naꞌleb. Junelic ban cua̱nk saꞌ e̱chꞌo̱l li us.

Proverbios 22:5

Junes raylal nequeꞌxcꞌul li incꞌaꞌ useb xnaꞌleb. Abanan li nequeꞌxba̱nu cue̱nt riqꞌuin lix yuꞌameb incꞌaꞌ nequeꞌxcꞌul chi joꞌcan.

Proverbios 11:16

Junak ixk cha̱bil xnaꞌleb naqꞌueheꞌ xlokꞌal. Ut junak cui̱nk se̱b xchꞌo̱l nabiomoꞌ.

Eclesiastés 5:13

Cuan jun chic li chꞌaꞌajquilal ninqꞌue retal arin saꞌ ruchichꞌochꞌ kꞌaxal ra rilbal. Aꞌan li xxocbal nabal li biomal yal re nak tixcꞌul chꞌaꞌajquilal mokon.

San Mateo 15:18

Li incꞌaꞌ us na-el saꞌ xtzꞌu̱mal re li junju̱nk, aꞌan saꞌ lix chꞌo̱l nachal. Ut aꞌan aꞌin li nama̱coꞌ cuiꞌ.

2 Reyes 10:31

Abanan laj Jehú incꞌaꞌ quixba̱nu chi anchal xchꞌo̱l li cꞌaꞌru naxye saꞌ lix chakꞌrab li Ka̱cuaꞌ lix Dioseb laj Israel. Incꞌaꞌ quixcanab xba̱nunquil li ma̱usilal li quixba̱nu laj Jeroboam li quicꞌamoc xbeheb laj Israel chi ma̱cobc chiru li Ka̱cuaꞌ.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.