Proverbios 4:16 - Li Santil hu

¹⁶ Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Q'eqchi Bible

¹⁶ Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Proverbios 4:16 ပူးပေါင်းရင်းမြစ်များ

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Isaías 57:20

Abanan eb li incꞌaꞌ useb xnaꞌleb incꞌaꞌ teꞌcua̱nk chi tuktu xchꞌo̱leb. Chanchanakeb li palau li yo̱ chi ecꞌa̱nc ru. Nasasoꞌ ru ut incꞌaꞌ natukla ru.

2 Pedro 2:14

Aꞌaneb aj muxul caxa̱r. Caꞌaj cuiꞌ ixk nequeꞌxcꞌoxla ut incꞌaꞌ nequeꞌxcanab ma̱cobc. Nequeꞌoc chixkꞌunbesinquileb li toj kꞌuneb xchꞌo̱l. Eb li cui̱nk aꞌin cꞌaynakeb chixrahinquil ru li biomal. Eb aꞌan majecuanbileb chi junaj cua xban li Dios.

Proverbios 1:16

Eb aꞌan teꞌraj ru xba̱nunquil li incꞌaꞌ us ut teꞌraj ru camsi̱nc.

San Lucas 22:66

Nak quicutanoꞌ, queꞌxchꞌutub ribeb li nequeꞌcꞌamoc be saꞌ xya̱nkeb li tenamit ut eb li xbe̱nil aj tij joꞌ eb ajcuiꞌ laj tzꞌi̱b. Ut queꞌxcꞌam li Jesús riqꞌuineb li nequeꞌtaklan saꞌ xbe̱neb laj judío. Ut queꞌxye re:

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

Proverbios 4:15

Mexxic bar cuanqueb cuiꞌ li incꞌaꞌ useb xnaꞌleb. Ut me̱ba̱nu li cꞌaꞌru nequeꞌxba̱nu eb aꞌan. Ba̱nuhomak ban li us.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Proverbios 2:14

Nequeꞌsahoꞌ xchꞌo̱l chixba̱nunquil li incꞌaꞌ us. Nequeꞌxkꞌaxtesi rib chixba̱nunquil li ma̱usilal.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Hechos 24:7

Abanan laj Lisias li coronel qui-oquen chirix ut saꞌ joskꞌil quixmakꞌ chiku.