Proverbios 4:10 - Li Santil hu

¹⁰ Ex cualal incꞌajol, cheqꞌuehak taxak saꞌ e̱chꞌo̱l le̱ tijbal li yo̱quin chixyebal e̱re re nak ta̱najtokꞌ ru le̱ yuꞌam saꞌ ruchichꞌochꞌ.

Q'eqchi Bible

¹⁰ Ab'i, at walal; k'ulub'a li waatin, re naq najtaq roq laayu'am sa' ruuchich'och'.

Proverbios 4:10 ပူးပေါင်းရင်းမြစ်များ

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Proverbios 3:2

Cui te̱ba̱nu li naxye lin chakꞌrab, ta̱najtokꞌ ru le̱ yuꞌam saꞌ ruchichꞌochꞌ. Ut ta̱cua̱nk li tuktu̱quilal e̱riqꞌuin.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Jeremías 9:20

Laj Jeremías quixye: —La̱in quinye reheb, “La̱ex ixk, abihomak li cꞌaꞌru naxye li Ka̱cuaꞌ. Qꞌuehomak retal li naxye. Cꞌutumak chiruheb le̱ coꞌ chanru teꞌya̱bak. Ut cꞌutumak ajcuiꞌ li bich re rahil chꞌo̱lej chiruheb le̱ rami̱g.

Proverbios 3:16

Cui cuan e̱naꞌleb najtak ru le̱ yuꞌam saꞌ ruchichꞌochꞌ. Ut naru ajcuiꞌ nacuan le̱ biomal ut le̱ lokꞌal.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Proverbios 8:10

Me̱sicꞌ li cha̱bil plata chi moco li oro. Chesicꞌ ban li cha̱bil naꞌleb ut le̱ tijbal.

Proverbios 19:20

Kꞌaxal us nak te̱cꞌu̱luban le̱ naꞌleb li ta̱qꞌuehekꞌ e̱re ut te̱qꞌue saꞌ e̱chꞌo̱l le̱ kꞌusbal. Chi joꞌcan cua̱nk e̱naꞌleb toj saꞌ e̱ti̱xilal.

Proverbios 2:1

Ex cualal incꞌajol, cheqꞌuehak e̱chꞌo̱l chixcꞌulbal li cua̱tin ut checꞌu̱lahak saꞌ le̱ chꞌo̱l lin chakꞌrab.

Li xHu LAJ JOB 22:22

Canab a̱cuib re nak li Dios tixcꞌut lix ya̱lal cha̱cuu. Ut qꞌue saꞌ a̱chꞌo̱l lix chakꞌrab.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Deuteronomio 11:21

Cui te̱ba̱nu li yo̱quin chixyebal e̱re, ta̱najtokꞌ rok le̱ yuꞌam ut ta̱najtokꞌ rok lix yuꞌameb le̱ cocꞌal saꞌ li naꞌajej li quixqꞌue li Ka̱cuaꞌ reheb le̱ xeꞌto̱nil yucuaꞌ. Texcua̱nk aran joꞌ najtil ta̱cua̱nk li choxa saꞌ xbe̱n li ruchichꞌochꞌ.