Proverbios 31:9 - Li Santil hu

⁹ Chat-a̱tinak chirixeb ut chatrakok a̱tin saꞌ xya̱lal saꞌ xbe̱neb. Chatenkꞌaheb li nebaꞌ joꞌ eb ajcuiꞌ li tenkꞌa̱c teꞌraj.—

Q'eqchi Bible

⁹ Aatinan chirixeb' ut raqon aatin sa' xb'eeneb' rik'in tiikilal; chakoleb' li neb'a' ut li kub'enaqeb' xwankil.

Proverbios 31:9 ပူးပေါင်းရင်းမြစ်များ

Isaías 1:17

Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Deuteronomio 1:16

Ut la̱in quinye reheb li teꞌrakok a̱tin saꞌ e̱be̱n, “Te̱qꞌue retal chi us li cꞌaꞌru nequeꞌxye li yo̱queb chi cuechꞌi̱nc. Ut texrakok a̱tin saꞌ xya̱lal saꞌ xbe̱neb, usta a̱cuech aj Israelil malaj ut li jalan xtenamit li cuanqueb saꞌ e̱ya̱nk.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Jeremías 5:28

Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Proverbios 16:12

Incꞌaꞌ us chokꞌ reheb li rey xba̱nunquil li incꞌaꞌ us xban nak riqꞌuin xba̱nunquil li ti̱quilal xakxo̱queb lix cuanquileb.

Li xHu LAJ JOB 29:12

Queꞌxye chi joꞌcan xban nak la̱in nintenkꞌaheb li nebaꞌ li tenkꞌa̱c teꞌraj, ut nintenkꞌaheb ajcuiꞌ li ma̱cꞌaꞌeb xnaꞌ xyucuaꞌ, li ma̱ ani natenkꞌan reheb.

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

San Juan 7:24

Mexrakoc a̱tin joꞌ nequeraj la̱ex yal e̱junes. Chexrakok ban a̱tin saꞌ xya̱lal, chan li Jesús.

Zacarías 7:9

—Aꞌan aꞌin li ninye e̱re la̱in: Ti̱cak e̱chꞌo̱l ut chexcua̱nk saꞌ xya̱lal. Cha̱bilakex chi ribil e̱rib ut chex-uxta̱na̱nk u.

Proverbios 20:8

Nak junak li rey nachunla saꞌ li rakleba̱l a̱tin, yal riqꞌuin rilbal li junju̱nk naxqꞌue retal ani cuan xma̱c.

2 Samuel 8:15

Laj David quicuan chokꞌ xreyeb laj Israel ut junelic quitaklan saꞌ xya̱lal ut saꞌ ti̱quilal saꞌ xbe̱neb chixjunileb lix tenamit.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

1 Samuel 19:4

Ut laj Jonatán quia̱tinac riqꞌuin lix yucuaꞌ. Us li quixye chirix laj David. Quixye re: —At inyucuaꞌ, matma̱cob riqꞌuin xba̱nunquil li incꞌaꞌ us re laj David laj cꞌanjel cha̱cuu. Aꞌan ma̱cꞌaꞌ xba̱nu incꞌaꞌ ta us. Us ban chixjunil li quixba̱nu re a̱tenkꞌanquil.

1 Samuel 20:32

Laj Jonatán quixye re: —¿Cꞌaꞌut nak ta̱camsi laj David? ¿Cꞌaꞌru xma̱c cha̱cuu? chan.

Proverbios 29:7

Li ti̱queb xchꞌo̱l nequeꞌxqꞌue xchꞌo̱l chixtenkꞌanquileb li nebaꞌ. Abanan li incꞌaꞌ useb xnaꞌleb ma̱cꞌaꞌ nequeꞌraj re li cꞌaꞌru nequeꞌxcꞌul li nebaꞌ.

Salmos 82:3

Checolak ban rixeb li incꞌaꞌ nequeꞌru xcolbaleb rib xjuneseb joꞌ ajcuiꞌ eb li ma̱ ani cuan reheb. Ut chexrakok a̱tin saꞌ xya̱lal saꞌ xbe̱neb li cuanqueb saꞌ raylal ut li cuanqueb saꞌ nebaꞌil.

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.