Proverbios 31:4 - Li Santil hu

⁴ At Lemuel, moco xcꞌulubeb ta eb li rey nak teꞌucꞌak vino, chi moco xcꞌulubeb li cuanqueb xcuanquil chi takla̱nc nak teꞌrucꞌ li haꞌ li nacaltesin.

Q'eqchi Bible

⁴ At Lemuel, moko us ta naq eb' li awab'ej te'kalaaq chi moko naq li xjolomileb' li tenamit te'ruk' li ha' nakaltesink,

Proverbios 31:4 ပူးပေါင်းရင်းမြစ်များ

Proverbios 20:1

Li na-ucꞌac vino nayiboꞌ ru lix naꞌleb. Ut li na-ucꞌac re li haꞌ li nacaltesin nasach xnaꞌleb. Li ani naba̱nun re chi joꞌcan, aꞌan ma̱cꞌaꞌ xnaꞌleb.

Isaías 5:22

Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Eclesiastés 10:17

Abanan us xak re li tenamit li cuan jun xrey cuan xnaꞌleb ut cha̱bil. Ut eb li nequeꞌtenkꞌan re nequeꞌcuaꞌac saꞌ x-o̱ril re xqꞌuebal re̱kaj lix metzꞌe̱uheb. Ut ma̱cuaꞌ cala̱c nequeꞌxcꞌoxla.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.

Ester 3:15

Eb li hu aꞌan queꞌtakla̱c xbaneb lix takl li rey ut qui-el ajcuiꞌ resil saꞌ li tenamit Susa. Ut li rey Asuero rochben laj Amán queꞌcꞌojla ut queꞌoc chi ucꞌac chi saheb saꞌ xchꞌo̱l. Abanan chixjunileb li cuanqueb saꞌ li tenamit Susa, queꞌyotꞌeꞌ xchꞌo̱leb ut sachso̱queb xchꞌo̱l queꞌcana.

1 Reyes 20:12

Laj Ben-adad yo̱ chi ucꞌac saꞌ lix muheba̱l rochbeneb li rey li queꞌoquen chirix nak quirabi resil li quixtakla xyebal laj Acab. Laj Ben-adad quixtaklaheb lix soldados chixcauresinquil ribeb chi xic chi pletic. Ut eb aꞌan queꞌxcauresi ribeb.

1 Reyes 16:9

Laj Zimri, li nacꞌanjelac chiru laj Ela, quixcꞌu̱b ru chanru nak tixcamsi. Laj Zimri, aꞌan li nataklan saꞌ xbe̱neb yi jach lix carruaje laj Ela. Saꞌ jun li cutan laj Ela cuan saꞌ rochoch laj Arsa, li na-iloc re lix jun cablal. Qui-ucꞌac ut quicala.

Ester 1:10

Saꞌ xcuuk li cutan re li ninkꞌe, cꞌajoꞌ xsahil xchꞌo̱l li rey Asuero xban lix calajic. Quixtaklaheb li cuukub chi eunucos li nequeꞌcꞌanjelac chiru. Aꞌaneb laj Mehumán, laj Bizta, laj Harbona, laj Bigta, laj Abagta, laj Zetar ut laj Carcas.

Proverbios 23:34

Te̱recꞌa nak chanchan nak yocyo̱quex saꞌ junak jucub saꞌ xbe̱n li palau. Malaj ut te̱recꞌa nak chanchan nak cuanquex chak saꞌ ruꞌuj junak li cheꞌ najt xteram.