Proverbios 30:9 - Li Santil hu

⁹ Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Q'eqchi Bible

⁹ Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Proverbios 30:9 ပူးပေါင်းရင်းမြစ်များ

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.

Deuteronomio 31:20

La̱in tincꞌameb saꞌ li naꞌajej li kꞌaxal cha̱bil li na-el cuiꞌ chi us li acui̱mk joꞌ quinyechiꞌi reheb lix xeꞌto̱nil yucuaꞌeb. Ta̱cua̱nk chixjunil li tzacae̱mk li teꞌraj ut teꞌcua̱nk aran chi saheb saꞌ xchꞌo̱l. Abanan eb aꞌan teꞌxjal xnaꞌlebeb ut teꞌxlokꞌoniheb li jalanil dios. Tineꞌxtzꞌekta̱na ut teꞌrisi xcuanquil lin contrato.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

San Mateo 26:74

Ut laj Pedro qui-oc chi majecua̱nc ut quixye riqꞌuin juramento: —Incꞌaꞌ ninnau ru li cui̱nk aꞌan, chan. Ut saꞌ ajcuiꞌ li ho̱nal aꞌan quiya̱bac laj tzoꞌ xul.

San Mateo 26:72

Ut laj Pedro quiticꞌtiꞌic cuiꞌchic xcaꞌ cua. Quixpatzꞌ xcꞌabaꞌ li Dios ut quixye: —Incꞌaꞌ ninnau ru li cui̱nk aꞌan, chan.

Josué 24:27

Ut quixye reheb laj Israel: —Li pec aꞌin ta̱cꞌanjelak e̱re chokꞌ retalil nak la̱ex xesume xba̱nunquil chixjunil li joꞌ qꞌuial xye ke li Ka̱cuaꞌ Dios. Nak te̱ril li pec aꞌin, ta̱julticokꞌ e̱re li cꞌaꞌru xeye cui incꞌaꞌ yo̱quex chixba̱nunquil li cꞌaꞌru quesume xba̱nunquil. Li pec aꞌin ta̱cꞌanjelak re nak incꞌaꞌ texcana̱k chokꞌ aj ticꞌtiꞌ chiru li Ka̱cuaꞌ li kaDios, chan laj Josué.

Proverbios 29:24

Li ani na-oquen chirix junak aj e̱lkꞌ, aꞌan xicꞌ naril rib xjunes rib. Usta nayeheꞌ re nak tento tixye li ya̱l, abanan incꞌaꞌ naxye xban xxiu.

Levítico 5:1

Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Salmos 125:3

Moco junelic ta cua̱nkeb xcuanquil li incꞌaꞌ useb xnaꞌleb saꞌ xbe̱n lix naꞌajeb lin tenamit. Ma̱re anchal teꞌchꞌina̱nk xchꞌo̱leb li ti̱queb xchꞌo̱l ut teꞌoc xba̱nunquil li ma̱usilal.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Jeremías 5:12

Eb aꞌan queꞌxye: —Moco ya̱l ta nak li Dios quixye aꞌan. Li Ka̱cuaꞌ ma̱cꞌaꞌ tixba̱nu ke. La̱o ma̱cꞌaꞌ takacꞌul, chi moco li ca̱mc chi moco li cueꞌej.

Ezequiel 23:35

Joꞌcaꞌin naxye li nimajcual Dios: —Xban nak quine̱tzꞌekta̱na ut incꞌaꞌ chic niquine̱cꞌoxla, joꞌcan nak texinqꞌue chixtojbal le̱ ma̱c ut li ma̱usilal li xeba̱nu.—