Proverbios 30:5 - Li Santil hu

⁵ Li Ka̱cuaꞌ nacoloc reheb li nequeꞌxcꞌojob xchꞌo̱l riqꞌuin. Chixjunil li naxye li Ka̱cuaꞌ ya̱l ut tzꞌakal re ru.—

Q'eqchi Bible

⁵ Chixjunil li raatin li Yos puuxinb'il ru; li Qaawa' naxkoleb' li neke'xk'ojob' xch'ool rik'in.

Proverbios 30:5 ပူးပေါင်းရင်းမြစ်များ

Salmos 18:30

Chixjunil li cꞌaꞌru naxba̱nu li Dios, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Salmos 12:6

Li ra̱tin li Dios, aꞌan ya̱l ut tzꞌakal re ru. Chanchan li plata sakobresinbil ru cuukub sut saꞌ li xam.

Salmos 3:3

Aban la̱at, at Ka̱cuaꞌ, at inDios, junelic niquina̱col chiru li raylal. Nacaqꞌue inlokꞌal ut nacaqꞌue xcacuil inchꞌo̱l.

Salmos 119:140

La̱in ninra la̱ cua̱tin xban nak tzꞌakal ya̱l li naxye.

Salmos 91:2

Tixye: —At Ka̱cuaꞌ, a̱cuiqꞌuin nincol cuib. La̱at aj ilol cue. La̱at inDios ut cau inchꞌo̱l a̱cuiqꞌuin.—

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Romanos 7:12

Relic chi ya̱l nak li chakꞌrab qꞌuebil chak xban li Dios, aꞌan santil chakꞌrab, ut li kataklanquil xban li Dios santo ajcuiꞌ, ti̱c ut cha̱bil.

Salmos 144:2

Li Ka̱cuaꞌ, aꞌan li na-uxta̱nan cuu. Caꞌaj cuiꞌ riqꞌuin aꞌan naru nincol cuib. Aꞌan li natenkꞌan cue ut aꞌan li na-iloc cue. Aꞌan li naqꞌuehoc xcacuil inchꞌo̱l. Ut aꞌan li naqꞌuehoc reheb li tenamit rubel incuanquil.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

2 Samuel 22:31

Chixjunil li cꞌaꞌru naxba̱nu li Ka̱cuaꞌ, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Proverbios 2:7

Li Ka̱cuaꞌ naxqꞌue cha̱bil naꞌleb reheb li ti̱queb xchꞌo̱l ut naxcoleb li nequeꞌcuan saꞌ ti̱quilal chiru.

Salmos 18:31

¿Ma cuan ta biꞌ chic junak Dios? ¿Ma incꞌaꞌ ta biꞌ caꞌaj cuiꞌ li kaDios naru nacoloc ke?

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.