Proverbios 30:4 - Li Santil hu

⁴ ¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Q'eqchi Bible

⁴ Ani kitaqe'k sa' choxa ut kikub'e chaq wi' chik? Ani kixmoch'o li iq' sa' li ruq'? Ani kilanok re li ha' sa' t'ikr ut kixk'ojob' xnub'ajlil li ruuchich'och'? Ye we ani xk'ab'a' a'an ut ani xk'ab'a' li ralal.

Proverbios 30:4 ပူးပေါင်းရင်းမြစ်များ

San Juan 3:13

Ma̱ ani quicuulac saꞌ choxa. Caꞌaj cuiꞌ la̱in li Cꞌajolbej. La̱in xinchal chak saꞌ choxa.

Li xHu LAJ JOB 26:8

Aꞌan naxram li haꞌ riqꞌuin li chok. Ut li chok naxcuy li ra̱lal.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Deuteronomio 30:12

Moco saꞌ choxa ta cuan chak. Ut incꞌaꞌ naru te̱ye: ¿Ani ta̱takekꞌ saꞌ choxa chixcꞌambal chak li chakꞌrab ut tixye ke cꞌaꞌru naxye re nak naru takaba̱nu?

Apocalipsis 19:12

Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan.

Romanos 10:6

Anakcuan la̱o ti̱cobresinbil chic li kachꞌo̱l chiru li Dios riqꞌuin xpa̱banquil li Cristo. Saꞌ li Santil Hu naxye chi joꞌcaꞌin: Incꞌaꞌ ta̱ye saꞌ a̱chꞌo̱l ¿ani ta̱takekꞌ saꞌ choxa re xtzꞌa̱manquil chiru li Cristo nak ta̱cubek chak saꞌ ruchichꞌochꞌ? Ma̱ye chi joꞌcan xban nak ac cꞌulujenak saꞌ ruchichꞌochꞌ.

Deuteronomio 28:58

Cui incꞌaꞌ te̱ba̱nu chi anchal e̱chꞌo̱l chixjunil li chakꞌrab li tzꞌi̱banbil saꞌ li hu aꞌin, ut cui incꞌaꞌ te̱xucua ru li Ka̱cuaꞌ li nimajcual Dios li kꞌaxal lokꞌ,

Isaías 53:8

Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

Salmos 68:18

At Ka̱cuaꞌ, xattakeꞌ saꞌ la̱ templo aran Sión ut xacꞌameb cha̱cuix li xacue̱chaniheb. Chixjunileb xeꞌxqꞌue a̱lokꞌal. Xeꞌxqꞌue ajcuiꞌ la̱ lokꞌal li xeꞌxkꞌetkꞌeti ribeb cha̱cuu junxil. Ut la̱at tatcua̱nk riqꞌuineb.

Salmos 2:7

Joꞌcaꞌin quixye li Rey li xakabanbil xban li Dios: —La̱in tinye resilal yalak bar li cꞌaꞌru quixye cue li Ka̱cuaꞌ nak quixye cue, “La̱at li tzꞌakal cualal. Anakcuan la̱in xatinqꞌue saꞌ a̱cuanquil.

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.

Jueces 13:18

Lix ángel li Ka̱cuaꞌ quixye re: —¿Cꞌaꞌut nak ta̱cuaj ta̱nau ani incꞌabaꞌ? La̱at incꞌaꞌ naru ta̱nau xban nak lin cꞌabaꞌ la̱in kꞌaxal lokꞌ, chan.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Jeremías 23:6

Nak cua̱nk saꞌ xcuanquil, eb laj Judá teꞌcua̱nk chi ma̱cꞌaꞌ chꞌaꞌajquilal. Eb laj Israel teꞌcua̱nk chi cꞌojcꞌo xchꞌo̱leb. Ut li rey aꞌan tixcꞌabaꞌin “Li Ka̱cuaꞌ aj qꞌuehol ti̱quilal”.

Salmos 24:2

Re li Ka̱cuaꞌ li ruchichꞌochꞌ xban nak aꞌan quiyi̱ban re. Aꞌan quixakaban re saꞌ xnaꞌaj saꞌ xbe̱n li palau ut saꞌ xbe̱neb li nimaꞌ.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Génesis 32:29

Ut laj Jacob quixye re: —Ba̱nu usilal ye cue ani a̱cꞌabaꞌ la̱at, chan. Ut lix takl li Dios quixye re laj Jacob: —¿Cꞌaꞌut nak ta̱cuaj ta̱nau ani incꞌabaꞌ? chan. Ut lix takl li Dios quirosobtesi laj Jacob saꞌ li naꞌajej aꞌan.

Éxodo 15:10

Xatakla li cacuil ikꞌ ut quixjunaji rib li haꞌ saꞌ xbe̱neb. Joꞌ li chꞌi̱chꞌ li kꞌaxal a̱l, nak quilajeꞌsubeꞌ rubel haꞌ.

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Li xHu LAJ JOB 11:7

¿Ma nacacꞌoxla nak ta̱tau ru lix naꞌleb li Dios li mukmu nak cuan? ¿Ma nacacꞌoxla nak ta̱tau lix ti̱quilal xchꞌo̱l li nimajcual Dios?

Li xHu LAJ JOB 11:8

¿Chanru nak ta̱nau chanru lix naꞌleb li Dios? Aꞌan kꞌaxal chꞌaꞌaj xtaubal ru. Chanchan xnajtil li choxa. ¿Chanru nak ta̱nau lix naꞌleb li Dios? Aꞌan chanchan xchamal li naꞌajej li nequeꞌxic cuiꞌ li camenak.