Proverbios 30:16 - Li Santil hu

¹⁶ Li oxibeb, aꞌaneb aꞌin: li mukleba̱l, ut li ixk li incꞌaꞌ nequeꞌqꞌuiresin, ut li chaki chꞌochꞌ li ta̱raj tꞌakresi̱c. Ut li xca̱ li incꞌaꞌ naxcꞌojob xchꞌo̱l riqꞌuin li joꞌ qꞌuial naxcꞌul, aꞌan li xam.

Q'eqchi Bible

¹⁶ A'aneb' li xmuqleb'aal kamenaq ut li xma'al ixq, li ch'och' li sa' junpaat naruk' li ha' ut li xam ink'a' nach'anaak chi sachok.

Proverbios 30:16 ပူးပေါင်းရင်းမြစ်များ

Proverbios 27:20

Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.

Génesis 30:1

Lix Raquel quixcakali lix Lea xban nak ma̱ jun lix cocꞌal nacuan riqꞌuin laj Jacob. Lix Raquel quixye re lix be̱lom: —La̱in tincuaj nak teꞌcua̱nk incocꞌal. Cui incꞌaꞌ teꞌcua̱nk incocꞌal, ¿cꞌaꞌru aj e nak yoꞌyo̱kin? chan.

Proverbios 30:15

Cuanqueb cristian caꞌaj cuiꞌ xtzꞌa̱manquil cꞌaꞌru reheb nequeꞌcuulac chiruheb. Chanchaneb li xul li natzꞌubuc quicꞌ. Cuanqueb oxib li incꞌaꞌ natzꞌakloc re li joꞌ qꞌuial nequeꞌxcꞌul. Ut cuan jun chic ma̱ jaruj naxcꞌojob xchꞌo̱l riqꞌuin li joꞌ qꞌuial naxcꞌul.

Isaías 5:14

Lix naꞌajeb li camenak ac cauresinbil ut yo̱ chiroybeninquil li ani ta̱ca̱mk. Chanchan teto li re nak yo̱ chiroybeninquil chixjunileb li teꞌca̱mk. Ut eb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil telajeꞌxic saꞌ li naꞌajej aꞌan.