Proverbios 30:11 - Li Santil hu

¹¹ Cuanqueb cristian nequeꞌxtzꞌekta̱na xyucuaꞌeb ut incꞌaꞌ nequeꞌxqꞌue xlokꞌal lix naꞌeb.

Q'eqchi Bible

¹¹ Wankeb' poyanam neke'xmajewa li xyuwa' ut ink'a' neke'xk'e xloq'al li xna'.

Proverbios 30:11 ပူးပေါင်းရင်းမြစ်များ

Proverbios 20:20

Li ani naxtzꞌekta̱na lix naꞌ xyucuaꞌ kꞌaxal ra tixcꞌul nak ta̱ca̱mk. Chanchan nak nachup li xam saꞌ kꞌojyi̱n.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Éxodo 21:17

Ut li ani tixmajecua xnaꞌ xyucuaꞌ, aꞌan tento ta̱camsi̱k.

Levítico 20:9

Li ani tixmajecua lix naꞌ, malaj ut lix yucuaꞌ, ta̱camsi̱k. Ut aꞌan cuan xma̱c nak ta̱camsi̱k.

1 Timoteo 5:8

Tento nak junak laj pa̱banel tixtenkꞌaheb li rechꞌalal. Ut kꞌaxal cuiꞌchic tento nak tixchꞌolaniheb li cuanqueb saꞌ li rochoch. Cui incꞌaꞌ naxba̱nu aꞌan, li jun aꞌan incꞌaꞌ naxqꞌue xcuanquil lix pa̱ba̱l ut kꞌaxal cuiꞌchic nim lix ma̱c chiruheb li toj ma̱jiꞌ nequeꞌxpa̱b li Dios.

1 Timoteo 5:4

Abanan cui cuan ralal xcꞌajol, aꞌan eb chic teꞌtenkꞌa̱nk reheb. Tento nak teꞌxtzol rib chixba̱nunquil chi joꞌcaꞌin re nak teꞌxnau rilbal lix jun cablaleb. Teꞌxnau xkꞌajca̱munquil lix naꞌ xyucuaꞌ joꞌ nacuulac chiru li Dios.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Proverbios 23:22

Chex-abi̱nk chiru le̱ yucuaꞌ xban nak cui ta ma̱cꞌaꞌ aꞌan, ma̱cꞌaꞌex ajcuiꞌ raj la̱ex. Me̱tzꞌekta̱na le̱ naꞌ nak ac xchecoꞌ. Cheqꞌue ban xlokꞌal.