Proverbios 30:10 - Li Santil hu

¹⁰ Incꞌaꞌ ta̱jit junak li mo̱s chiru lix patrón. Cui ta̱ba̱nu aꞌan, ma̱re tixtzꞌa̱ma ma̱usilal saꞌ a̱be̱n. Ma̱re la̱at chic tatqꞌuehekꞌ chixtojbal rix la̱ ma̱c.

Q'eqchi Bible

¹⁰ Maaq'ab'a junaq aj k'anjel chiru laj eechal re. Mare anchal tatxmajewa, ut taatoj rix laamaak.

Proverbios 30:10 ပူးပေါင်းရင်းမြစ်များ

Romanos 14:4

La̱at incꞌaꞌ naru nacatrakoc a̱tin saꞌ xbe̱n lix mo̱s la̱ cuas a̱cui̱tzꞌin. Aꞌ lix patrón ta̱yehok re ma us malaj incꞌaꞌ us li yo̱ chixba̱nunquil. Joꞌcan nak li nimajcual Dios aꞌan nataklan re li junju̱nk ut aꞌan nayehoc reheb ma us malaj incꞌaꞌ us li yo̱queb chixba̱nunquil. Ut li Dios ta̱tenkꞌa̱nk reheb chixba̱nunquil li us.

Eclesiastés 7:21

Ma̱pa̱b chixjunil li cꞌaꞌru nequeꞌxye li cristian re nak incꞌaꞌ ta̱cuabi nak yo̱k chi a̱tinac cha̱cuix la̱ mo̱s.

Daniel 6:24

Ut li rey quixtakla lix takl re nak teꞌcꞌamekꞌ riqꞌuin chixjunileb li cui̱nk li queꞌjitoc re laj Daniel. Ut queꞌcuteꞌ saꞌ xya̱nkeb li cakcoj rech xiquic li rixakileb joꞌqueb ajcuiꞌ lix cocꞌaleb. Ut toj ma̱jiꞌ ajcuiꞌ nequeꞌnak saꞌ lix naꞌajeb li cakcoj nak queꞌchapeꞌ xbaneb ut queꞌtoki̱c lix bakeleb.

Daniel 6:13

Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Proverbios 28:27

Ma̱cꞌaꞌ ta̱paltok reheb li ani nequeꞌxtenkꞌa eb li nebaꞌ. Abanan li ani incꞌaꞌ nequeꞌxtokꞌoba ruheb li nebaꞌ, tzꞌekta̱nanbilakeb xbaneb chixjunileb.

Proverbios 11:26

Li ani naxxoc nabal li trigo chokꞌ re namajecua̱c xbaneb li tenamit. Abanan eb li tenamit nequeꞌxtzꞌa̱ma rusilal li Dios saꞌ xbe̱neb li nequeꞌxcꞌayi li trigo.

1 Samuel 30:15

Laj David quixye re: —¿Ma ta̱ru̱k tina̱cꞌam cuanqueb cuiꞌ li jun chꞌu̱tal chi aj e̱lkꞌ aꞌan? chan. Ut li cui̱nk quixye re: —Cui la̱at ta̱ye cue saꞌ xcꞌabaꞌ li Dios nak incꞌaꞌ tina̱camsi, chi moco tina̱kꞌaxtesi saꞌ rukꞌ lin patrón, la̱in tatincꞌam bar cuanqueb cuiꞌ, chan.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 24:9

Laj David quixye re: —¿Cꞌaꞌut nak nacapa̱b li cꞌaꞌru nequeꞌxye li cui̱nk li nequeꞌxye nak tincuaj xba̱nunquil ma̱usilal a̱cue?

Deuteronomio 23:15

Cui junak li lokꞌbil mo̱s nacuulac e̱riqꞌuin chixcolbal rib, me̱kꞌaxtesi chic re lix patrón.

Deuteronomio 15:9

Micuan yibru naꞌleb saꞌ le̱ chꞌo̱l ut me̱ye “La̱in incꞌaꞌ tinqꞌue cꞌaꞌru re chi toꞌ xban nak cuulac re li xcuuk li chihab nak incꞌaꞌ teꞌxqꞌue re̱kaj li nequeꞌxtoꞌoni.” Cui incꞌaꞌ nequeqꞌue chi toꞌ li cꞌaꞌru naraj, naru tixya̱ba xcꞌabaꞌ li Dios ut li Dios tixqꞌue saꞌ e̱be̱n li ma̱c xeba̱nu.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.