Proverbios 3:34 - Li Santil hu

³⁴ Li Ka̱cuaꞌ naxseꞌeheb li nequeꞌxnimobresi rib. Abanan naruxta̱na ruheb li nequeꞌxcubsi ribeb.

Q'eqchi Bible

³⁴ Li Qaawa' naxse'eb' li neke'xnimob'resi rib', ab'an narusilaheb' li kub'enaqeb' xwankil.

Proverbios 3:34 ပူးပေါင်းရင်းမြစ်များ

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Proverbios 9:12

Cui la̱at cuan a̱naꞌleb, a̱cue ajcuiꞌ li us. Ut cui la̱at aj hobonel, la̱at ajcuiꞌ tatcꞌuluk re li raylal.

Salmos 138:6

Usta kꞌaxal nim la̱ cuanquil, abanan junelic nacacuil xtokꞌoba̱l ruheb li ma̱cꞌaꞌeb xcuanquil ut nacaqꞌue retal li cꞌaꞌru nequeꞌxba̱nu li nequeꞌxnimobresi ribeb.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Proverbios 21:24

Kꞌetkꞌet ut aj hobonel nayeheꞌ reheb li ani nequeꞌxnimobresi rib, li incꞌaꞌ nequeꞌra̱tina ras ri̱tzꞌin saꞌ xya̱lal.

Proverbios 19:29

Ac cauresinbil chak li rakba a̱tin chokꞌ reheb li nequeꞌhoboc. Ut ac cauresinbil ajcuiꞌ li tzꞌu̱m chokꞌ reheb li incꞌaꞌ nequeꞌraj xtaubal xnaꞌleb.

Salmos 18:26

La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.

Proverbios 14:9

Li ma̱cꞌaꞌeb xnaꞌleb ma̱cꞌaꞌ nequeꞌraj re nak nequeꞌxba̱nu li ma̱usilal. Abanan eb li cha̱bileb nasahoꞌ saꞌ xchꞌo̱leb chixba̱nunquil li us.

Proverbios 16:19

Kꞌaxal us nak takacubsi kib saꞌ xya̱nkeb li nebaꞌ chiru nak takanimobresi kib saꞌ xya̱nkeb li cuanqueb xbiomal.

Proverbios 1:26

Cuulac re xkꞌehil nak la̱in texinseꞌe xban li raylal ta̱cha̱lk saꞌ e̱be̱n. Texinseꞌe nak ca̱mkak e̱re xban e̱xiu.