Proverbios 3:3 - Li Santil hu

³ Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

Q'eqchi Bible

³ B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

Proverbios 3:3 ပူးပေါင်းရင်းမြစ်များ

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

Proverbios 7:3

Chebacꞌ chiru le̱ rukꞌ re nak junelic yo̱kex chirilbal. Ut junelic cua̱nk saꞌ le̱ chꞌo̱l.

Hebreos 10:16

Aꞌin li contrato tinqꞌue reheb, chan li Dios. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb.

Proverbios 6:21

Junelic cua̱nk saꞌ e̱chꞌo̱l le̱ chakꞌrabinquil ut me̱canab xba̱nunquil.

Malaquías 2:6

Laj Leví quixchꞌolob lix ya̱lal chiruheb li tenamit ut incꞌaꞌ quiticꞌtiꞌic. Quicuan chi sum a̱tin cuiqꞌuin ut saꞌ xcꞌabaꞌ aꞌan nabaleb queꞌxcanab xba̱nunquil li ma̱usilal.

Efesios 5:9

Li ani quicutanobresi̱c lix chꞌo̱l xban li Dios naxnau lix ya̱lal ut nacuan saꞌ cha̱bilal ut saꞌ ti̱quilal.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Proverbios 20:28

Junak li rey xakxo̱k saꞌ xnaꞌaj lix cuanquil cui narahoc ut cui nataklan saꞌ xya̱lal.

Proverbios 1:9

Kꞌaxal lokꞌ chokꞌ e̱re nak tex-abi̱nk chiru le̱ naꞌ e̱yucuaꞌ. Chanchan nak ta̱qꞌuehekꞌ junak e̱kꞌol che̱cux ut junak corona saꞌ e̱jolom.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Salmos 25:10

Riqꞌuin cha̱bilal ut riqꞌuin rahoc li Ka̱cuaꞌ naxberesiheb li nequeꞌxba̱nu li cꞌaꞌru naxye saꞌ li contrato ut saꞌ lix chakꞌrab.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Jeremías 17:1

Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Deuteronomio 6:8

Te̱bacꞌ che̱rukꞌ li chakꞌrab aꞌin ut te̱bacꞌ ajcuiꞌ saꞌ e̱pe̱quem re nak junelic cua̱nk saꞌ e̱chꞌo̱l.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

2 Samuel 15:20

Tojeꞌ ajcuiꞌ xatcꞌulun arin. ¿Ma tento ta biꞌ nak ta̱beni a̱cuib chikix? La̱in naru ninxic yalak bar, abanan kꞌaxal us chokꞌ a̱cue nak tatsukꞌi̱k ut ta̱cꞌam cha̱cuix eb la̱ cuech tenamitil. Aꞌ taxak li Ka̱cuaꞌ Dios chi-osobtesi̱nk a̱cue chi junelic, chan laj David.

Salmos 85:10

Li ya̱l ut li uxta̱na̱nc u ta̱cua̱nk saꞌ kaya̱nk. Ut ta̱cua̱nk ajcuiꞌ li tuktu̱quilal ut li ti̱quilal.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Éxodo 34:6

Li Dios quinumeꞌ chiru laj Moisés ut quixye re: —La̱in li Ka̱cuaꞌ Dios. La̱in li nimajcual Dios. La̱in li nintokꞌoban u ut la̱in ajcuiꞌ nin-uxta̱nan u. La̱in incꞌaꞌ ninjoskꞌoꞌ chi junpa̱t. Numtajenak lin rahom. Ma̱ jaruj ninpaltoꞌ. Cuanquin chi junelic.