Proverbios 3:24 - Li Santil hu

²⁴ Nak texyocla̱k, ma̱cꞌaꞌak le̱ xiu ut sa texcua̱rk.

Q'eqchi Bible

²⁴ Maak'a' taaxiwa naq tatyoklaaq; ut naq akaq xatsotlaak, sa tatwarq.

Proverbios 3:24 ပူးပေါင်းရင်းမြစ်များ

Salmos 3:5

Nak ninyocla, nincuar ut nincuacli chi sa saꞌ inchꞌo̱l xban nak li Ka̱cuaꞌ natenkꞌan cue.

Salmos 4:8

Sa saꞌ inchꞌo̱l nak ninyocla ut nincuar chi ma̱cꞌaꞌ incꞌaꞌux. Caꞌaj cuiꞌ la̱at, at Ka̱cuaꞌ, nacatqꞌuehoc xcacuil inchꞌo̱l xban nak la̱at nacat-iloc cue.

Proverbios 6:22

Aꞌan ta̱beresi̱nk e̱re nak yo̱kex chi be̱c. Ut aꞌan ta̱colok e̱re nak yo̱kex chi cua̱rc. Ut nak texcuacli̱k, aꞌan tixcꞌut che̱ru cꞌaꞌru te̱ba̱nu.

Jeremías 31:26

Ut laj Jeremías quixye: —Nak qui-aj cuu quicuulac chicuu li cꞌaꞌru quinmatqꞌue, chan.

Li xHu LAJ JOB 11:19

Ma̱cꞌaꞌ ta̱seꞌbesi̱nk a̱cue nak yo̱kat chi hila̱nc. Ut nabaleb teꞌcha̱lk chi sicꞌoc a̱cue re ta̱ba̱nu usilal reheb.

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.

Ezequiel 34:15

Ut la̱in tincꞌacꞌale̱nk reheb lin carner. La̱in tinsicꞌok re lix naꞌajeb re teꞌhila̱nk.

Hechos 12:6

Ac cuulac re xkꞌehil nak ta̱cꞌamekꞌ laj Pedro xban laj Herodes chiruheb li tenamit. Saꞌ li kꞌojyi̱n aꞌan laj Pedro yo̱ chi cua̱rc saꞌ xyiheb li cuib chi soldado bacꞌbo riqꞌuin cadena. Ut cuanqueb ajcuiꞌ laj cꞌacꞌalenel chire li oqueba̱l re li tzꞌalam.

Salmos 112:8

Incꞌaꞌ naxucuac xban nak cꞌojcꞌo xchꞌo̱l riqꞌuin li Dios. Naxnau nak ta̱cuulak xkꞌehil nak teꞌsachekꞌ xcuanquil li xicꞌ nequeꞌiloc re.

Proverbios 1:33

Abanan li ani naxqꞌue xchꞌo̱l chirabinquil li ninye la̱in, aꞌan ta̱cua̱nk saꞌ tuktu̱quil usilal ut incꞌaꞌ ta̱xucuak xban li raylal.

Eclesiastés 5:12

Li ani nacꞌanjelac, sa nacuar, usta natzacan chi us usta incꞌaꞌ. Abanan li biom incꞌaꞌ nacuar chixcꞌoxlanquil li cꞌaꞌru cuan re.

2 Crónicas 20:30

Ut laj Josafat quicuan saꞌ xcuanquil chi sa saꞌ xchꞌo̱l xban nak li Ka̱cuaꞌ quixqꞌueheb chi cua̱nc saꞌ tuktu̱quil usilal eb li cuanqueb chi xjun sutam laj Judá.

Salmos 3:6

Usta sutsu̱quin xbaneb li qꞌuila tenamit, li xicꞌ nequeꞌiloc cue, incꞌaꞌ ninxucuac xbaneb.

Salmos 91:5

Incꞌaꞌ tatxucuak chiru li naseꞌbesin chiru kꞌojyi̱n, chi moco tatxucuak chiruheb li nequeꞌba̱nun raylal chi cutan.

Proverbios 19:23

Li ani naxxucua ru li Ka̱cuaꞌ cuan xyuꞌam. Junelic sa saꞌ xchꞌo̱l ut incꞌaꞌ nachal li chꞌaꞌajquilal saꞌ xbe̱n.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.