Proverbios 3:22 - Li Santil hu

²² Cui te̱ba̱nu chi joꞌcan, ta̱cua̱nk le̱ yuꞌam chi junelic ut sahak saꞌ e̱chꞌo̱l.

Q'eqchi Bible

²² a'anaq yu'am cho'q aawe ut xsahob' aawu jo' jun lemtz'il q'ol.

Proverbios 3:22 ပူးပေါင်းရင်းမြစ်များ

Proverbios 4:22

Xban nak li ani naxba̱nu li cꞌaꞌru ninye, aꞌan ta̱cua̱nk xyuꞌam ut ta̱cua̱nk xcacuilal.

Proverbios 1:9

Kꞌaxal lokꞌ chokꞌ e̱re nak tex-abi̱nk chiru le̱ naꞌ e̱yucuaꞌ. Chanchan nak ta̱qꞌuehekꞌ junak e̱kꞌol che̱cux ut junak corona saꞌ e̱jolom.

Isaías 38:16

At Ka̱cuaꞌ, riqꞌuin li usilal li nacaba̱nu eb li cristian teꞌcua̱nk xyuꞌam. Ut riqꞌuin ajcuiꞌ chixjunil li usilal nacaqꞌue cua̱nk inyuꞌam la̱in. La̱at tina̱qꞌuirtesi ut ta̱qꞌue inyuꞌam.

Deuteronomio 32:47

Li chakꞌrab li quixqꞌue li Dios ma̱cuaꞌ yal a̱tin. Cuan ban rajbal xban nak aꞌan ta̱qꞌuehok e̱yuꞌam. Cui te̱ba̱nu li cꞌaꞌru naxye saꞌ li chakꞌrab, najt texcua̱nk saꞌ li naꞌajej li xic e̱re chire̱chaninquil jun pacꞌal li nimaꞌ Jordán, chan laj Moisés.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Proverbios 16:22

Li ani cuan xnaꞌleb naxtau xyuꞌam chi junelic. Ut xqꞌuebal xnaꞌlebeb li incꞌaꞌ nequeꞌxtau xya̱lal, aꞌan ma̱cꞌaꞌ aj e.

Proverbios 21:21

Li ani naraj cua̱nc saꞌ ti̱quilal ut saꞌ cha̱bilal naxtau lix yuꞌam ut lix lokꞌal.

Proverbios 19:8

Li ani naxtau xnaꞌleb naxba̱nu li us xban nak naxra rib. Li ani naxqꞌue xlokꞌal li naꞌleb li naxtzol, us na-el riqꞌuin li naxba̱nu.