Proverbios 3:18 - Li Santil hu

¹⁸ Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

Q'eqchi Bible

¹⁸ A'an li che' nak'ehok yu'am reheb' li neke'tawok re: us xaq reheb' li neke'eechanink re.

Proverbios 3:18 ပူးပေါင်းရင်းမြစ်များ

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Proverbios 15:4

Li ani naa̱tinac saꞌ tu̱lanil chanchan li cheꞌ re junelic yuꞌam xban nak naxtenkꞌa saꞌ lix yuꞌam li ani na-abin re. Abanan li incꞌaꞌ us naa̱tinac naxqꞌue chi rahocꞌ xchꞌo̱l li na-abin re li cꞌaꞌru naxye.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Proverbios 13:12

Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 2:9

Ut li Ka̱cuaꞌ Dios quixqꞌue chi mokc saꞌ li naꞌajej aꞌan nabal pa̱y ru li cheꞌ li chꞌinaꞌus rilbal joꞌ ajcuiꞌ li cheꞌ li ta̱u̱chi̱nk re teꞌxtzaca. Ut saꞌ xyi lix naꞌaj li acui̱mk li Ka̱cuaꞌ Dios quixqꞌue jun to̱n li cheꞌ li naqꞌuehoc yuꞌam chi junelic. Ut quixqꞌue ajcuiꞌ aran jun to̱n li cheꞌ re xnaubal ru li us ut li incꞌaꞌ us.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

Proverbios 8:34

Us xak reheb li nequeꞌabin re li cha̱bil naꞌleb. Us xak reheb li nequeꞌoybenin riqꞌuin ut eb li nequeꞌsicꞌoc re rajlal.

Eclesiastés 7:12

Li naꞌleb naxtenkꞌa li junju̱nk. Joꞌcan ajcuiꞌ li tumin naxtenkꞌa li junju̱nk. Abanan li ani cuan xnaꞌleb naxnau xcolbal rix lix yuꞌam.

Proverbios 8:32

Joꞌcan ut, ex cualal incꞌajol, cherabihak li cꞌaꞌru ninye e̱re. Us xak e̱re cui te̱ba̱nu li cꞌaꞌru ninye.