Proverbios 3:10 - Li Santil hu

¹⁰ Cui te̱mayeja li xbe̱n ru le̱ racui̱mk, kꞌaxal cuiꞌchic nabal li ru le̱ racui̱mk te̱xoc ut kꞌaxal cuiꞌchic nabalak le̱ vino toj retal ta̱hoyekꞌ.

Q'eqchi Bible

¹⁰ Chi jo'kan eb' laak'uuleb'aal te'nujaq chi ixim, ut jwal naab'alaq laa'ak' b'iin.

Proverbios 3:10 ပူးပေါင်းရင်းမြစ်များ

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

Deuteronomio 28:8

Li Ka̱cuaꞌ ta̱rosobtesi le̱ cꞌanjel ut ta̱rosobtesi le̱ racui̱mk ut junelic cua̱nk chi nujenak li naꞌajej li nequexoc cuiꞌ li ru le̱ racui̱mk. Li Ka̱cuaꞌ le̱ Dios texrosobtesi saꞌ li naꞌajej li tixqꞌue e̱re.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

Joel 2:24

Nak tixqꞌue ru li acui̱mk, kꞌaxal cuiꞌchic nabal tixqꞌue. Teꞌnujak li naꞌajej bar nequeꞌrisi cuiꞌ li rix li trigo. Ut teꞌnujak ajcuiꞌ li naꞌajej bar nequeꞌxyatzꞌ cuiꞌ li uvas ut li olivo.

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

Hageo 2:19

Qꞌuehomak retal chi us. ¿Ma cuan ta biꞌ ru le̱ racui̱mk xocxo e̱ban? ¿Ma cuan ta biꞌ ru li uvas? ¿Ma cuan ta biꞌ ru li xto̱nal li higo? Ut, ¿ma cuan ta biꞌ ru li granado? Ut, ¿ma x-atzꞌumac ta biꞌ li cheꞌ olivo? Usta ma̱cꞌaꞌ chixjunil aꞌan, abanan chalen anakcuan texcuosobtesi, chan li Ka̱cuaꞌ.

2 Crónicas 31:21

Quixqꞌue xchꞌo̱l chixba̱nunquil li cꞌanjel saꞌ lix templo li Dios ut quixba̱nu li naxye saꞌ li chakꞌrab. Xban nak quixsicꞌ li Dios chi anchal xchꞌo̱l, joꞌcan nak us qui-el riqꞌuin li cꞌaꞌru quixba̱nu.

Salmos 144:13

Nabal pa̱y taxak ru li kacui̱mk toj retal teꞌnujak li rochochil. Ut cheꞌta̱mk ta chi kꞌaxal numtajenak xqꞌuialeb li kaqueto̱mk.

Deuteronomio 14:29

Li tzacae̱mk aꞌin reheb laj levita xban nak incꞌaꞌ xeꞌxcꞌul lix chꞌochꞌeb. Ut reheb ajcuiꞌ li jalaneb xtenamit, li ma̱cꞌaꞌ xnaꞌ xyucuaꞌ ut reheb ajcuiꞌ li xma̱lcaꞌan li cuanqueb saꞌ le̱ tenamit. Eb aꞌan ta̱ru̱k teꞌtzaca̱nk toj ta̱cꞌojla̱k xchꞌo̱leb. Ut li Ka̱cuaꞌ le̱ Dios texrosobtesi re nak us tex-e̱lk riqꞌuin chixjunil li cꞌaꞌru te̱ba̱nu.

2 Crónicas 31:10

Laj Azarías li xbe̱nil aj tij xcomoneb li ralal xcꞌajol laj Sadoc quixye: —Chalen nak eb li tenamit queꞌxtiquib xqꞌuebal lix mayej junelic cuan li katzacae̱mk. Nocotzacan chi us xban nak li Ka̱cuaꞌ quirosobtesiheb lix tenamit. Chixjunil li cuan arin, aꞌan li na-elaꞌan, chan.