Proverbios 3:1 - Li Santil hu

¹ Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

Q'eqchi Bible

¹ At walal ink'ajol, misachk sa' laach'ool link'utum ut k'uula sa' laawaanm linchaq'rab';

Proverbios 3:1 ပူးပေါင်းရင်းမြစ်များ

Proverbios 4:5

Chatauhak taxak a̱naꞌleb ut chatauhak taxak xya̱lal. Ut incꞌaꞌ taxak ta̱sachk saꞌ a̱chꞌo̱l li cꞌaꞌru yo̱quin chixyebal a̱cue.

Salmos 119:16

Ta̱sahokꞌ saꞌ inchꞌo̱l riqꞌuin li chakꞌrab li xaqꞌue ut ma̱ jokꞌe teꞌsachk saꞌ inchꞌo̱l la̱ cua̱tin.

Proverbios 1:8

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Salmos 119:93

Ma̱ jokꞌe tintzꞌekta̱na la̱ chakꞌrab xban nak riqꞌuin aꞌan xaqꞌue inyuꞌam.

Salmos 119:34

Chaqꞌue taxak innaꞌleb re nak ta̱ru̱k tinba̱nu li cꞌaꞌru naxye la̱ chakꞌrab. Chi anchal taxak inchꞌo̱l tinba̱nu li cꞌaꞌru naxye.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Deuteronomio 8:1

Qꞌuehomak e̱chꞌo̱l chixba̱nunquil chixjunil li chakꞌrab li yo̱quin chixyebal e̱re anakcuan re nak ta̱cua̱nk le̱ yuꞌam ut texnabalokꞌ ut tex-oc chi cua̱nc saꞌ li naꞌajej li quixyechiꞌi li Dios reheb le̱ xeꞌto̱nil yucuaꞌ riqꞌuin juramento.

Salmos 119:153

At Ka̱cuaꞌ, chacuil taxak xtokꞌoba̱l cuu ut china̱col taxak chiru li raylal li cuanquin cuiꞌ xban nak la̱in incꞌaꞌ xincanab xba̱nunquil li naxye la̱ chakꞌrab.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Salmos 119:176

Ya̱l nak la̱in xinpaltoꞌ cha̱cuu. Chanchanin jun li carner sachenak. Joꞌcan nak nintzꞌa̱ma cha̱cuu nak tina̱tenkꞌa re nak tincua̱nk chi sum a̱tin a̱cuiqꞌuin. La̱in incꞌaꞌ xintzꞌekta̱na chi junaj cua la̱ chakꞌrab.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Proverbios 31:5

Cui yo̱keb chi cala̱c ma̱re anchal ta̱sachk saꞌ xchꞌo̱leb li naxye saꞌ li chakꞌrab ut incꞌaꞌ chic teꞌrakok a̱tin saꞌ xya̱lal saꞌ xbe̱neb li rahobtesinbileb.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Éxodo 20:6

Ut nacuuxta̱naheb ru li nequeꞌrahoc cue ut nequeꞌxpa̱b lin chakꞌrab.

Salmos 91:16

La̱in tincuosobtesi ut tinqꞌue nabal chihab chic xyuꞌam. Ut la̱in tincolok re.—

Salmos 119:61

Nabaleb li incꞌaꞌ useb xnaꞌleb nequeꞌxsicꞌ chanru nak tineꞌxqꞌue chi tꞌanecꞌ. Abanan incꞌaꞌ nasach saꞌ inchꞌo̱l li cꞌaꞌru naxye la̱ chakꞌrab.

Proverbios 2:1

Ex cualal incꞌajol, cheqꞌuehak e̱chꞌo̱l chixcꞌulbal li cua̱tin ut checꞌu̱lahak saꞌ le̱ chꞌo̱l lin chakꞌrab.

Proverbios 4:2

La̱in yo̱quin chixcꞌutbal li cha̱bil naꞌleb che̱ru. Incꞌaꞌ taxak te̱canab xba̱nunquil.

Proverbios 16:31

Li ani nati̱x chi us, kꞌaxal lokꞌ chokꞌ re. Nati̱x chi us xban nak cuan saꞌ ti̱quilal.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

Proverbios 4:21

Me̱canab xba̱nunquil li cꞌaꞌru ninye. Checanab ban saꞌ e̱chꞌo̱l.

Proverbios 8:1

¿Ma incꞌaꞌ ta biꞌ yo̱ chi abi̱c resil li naꞌleb aꞌin yalak bar? Ut, ¿ma incꞌaꞌ ta biꞌ yo̱ chi abi̱c resil li se̱bal chꞌo̱lej?

Proverbios 9:1

Li ixk li cuan xnaꞌleb quixyi̱b li rochoch ut quixyi̱b ajcuiꞌ cuukub li rokechal li nacu̱tun re.