Proverbios 29:3 - Li Santil hu

³ Li ani naraj xtaubal xnaꞌleb naxqꞌue xsahil xchꞌo̱l lix yucuaꞌ. Ut li ani nacuan riqꞌuineb li ixk li nequeꞌxcꞌayi ribeb naxsach lix biomal.

Q'eqchi Bible

³ Li naxra li chaab'il na'leb', naxk'e sa sa' xch'ool li xyuwa'; ut li nawank rik'ineb' laj yumb'eet, naxb'atz'unle li xtumin.

Proverbios 29:3 ပူးပေါင်းရင်းမြစ်များ

Proverbios 27:11

Ex cualal incꞌajol, chicua̱nk e̱naꞌleb re nak sahak inchꞌo̱l e̱riqꞌuin. Chi joꞌcan tinnau xsumenquil li nequeꞌhoboc cue.

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.

Proverbios 15:20

Li alalbej cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej incꞌaꞌ naxtau xnaꞌleb naxtzꞌekta̱na lix naꞌ xyucuaꞌ.

Proverbios 10:1

Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

San Lucas 15:13

Ut ma̱jiꞌ ajcuiꞌ najterak nak li i̱tzꞌinbej quixchꞌutub chixjunil li cꞌaꞌru cuan re, ut co̱ chi najt saꞌ jalanil tenamit. Aran quixsach li cꞌaꞌru re nak yo̱ chixkꞌaxbal li cutan chi joꞌ ma̱joꞌ.

Proverbios 28:7

Li alalbej li naxba̱nu li naxye lix chakꞌrab li Dios, aꞌan naxnau cꞌoxlac. Abanan li ani nacuulac chiru cua̱nc saꞌ xya̱nkeb li nequeꞌnumcuaꞌac nequeꞌnum-ucꞌac, aꞌan naxcꞌut xxuta̱n lix yucuaꞌ.

Proverbios 6:26

Li cui̱nk li naxic chixsicꞌbaleb li ixk li nequeꞌxcꞌayi rib, naxsach chixjunil lix tumin xban. Ut li cui̱nk li naxchꞌic rib riqꞌuin junak li sumsu̱quil ixk naxsach lix yuꞌam.

Proverbios 21:17

Li ani nequeꞌxcꞌoxla chirix junes li naxqꞌue xsahil xchꞌo̱leb teꞌnebaꞌokꞌ. Joꞌcan ajcuiꞌ eb li nequeꞌcuulac chiru rucꞌbal li vino ut xqꞌuebal li sununquil ban incꞌaꞌ teꞌbiomokꞌ.

Proverbios 28:19

Li ani naxtrabaji chi us lix chꞌochꞌ ta̱cua̱nk xtzacae̱mk chi nabal. Abanan li ani nacuulac chiru cua̱nc saꞌ xya̱nkeb li incꞌaꞌ nequeꞌtrabajic, aꞌan ma̱cꞌaꞌ ta̱cua̱nk re.

Proverbios 23:15

Ex cualal incꞌajol, nak te̱tau le̱ naꞌleb, kꞌaxal cuiꞌchic ta̱sahokꞌ inchꞌo̱l la̱in.

Proverbios 21:20

Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.