Proverbios 29:2 - Li Santil hu

² Nak li ti̱queb xchꞌo̱l nequeꞌqꞌueheꞌ saꞌ xcuanquil, eb li tenamit nequeꞌsahoꞌ saꞌ xchꞌo̱leb. Abanan kꞌaxal narahoꞌ saꞌ xchꞌo̱leb nak eb li incꞌaꞌ useb xnaꞌleb nequeꞌqꞌueheꞌ saꞌ xcuanquil.

Q'eqchi Bible

² Naq neke'k'ihank li tiikeb' xch'ool, nake'saho'k eb' li poyanam; ab'an naq neke'taqlank li ink'a' useb' xna'leb', ra neke'xk'ul li tenamit.

Proverbios 29:2 ပူးပေါင်းရင်းမြစ်များ

Proverbios 28:12

Nak eb li ti̱queb xchꞌo̱l nequeꞌxakaba̱c saꞌ xcuanquil, chixjunileb nequeꞌsahoꞌ saꞌ xchꞌo̱leb. Abanan nak nequeꞌxakaba̱c saꞌ xcuanquil li incꞌaꞌ useb xnaꞌleb, li tenamit nequeꞌxmuk ribeb xbaneb xxiu.

Proverbios 11:10

Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Proverbios 28:28

Nak eb li incꞌaꞌ useb xnaꞌleb nequeꞌoc saꞌ xcuanquil, eb li cristian nequeꞌxmuk ribeb xbaneb xxiu. Abanan nak nequeꞌsacheꞌ ruheb li incꞌaꞌ useb xnaꞌleb, us nequeꞌel riqꞌuin li cꞌaꞌru nequeꞌxba̱nu li ti̱queb xchꞌo̱l.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Eclesiastés 10:5

Cuan jun li chꞌaꞌajquilal ninqꞌue retal saꞌ ruchichꞌochꞌ li nequeꞌxba̱nu li cuanqueb saꞌ xcuanquil.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Ester 3:15

Eb li hu aꞌan queꞌtakla̱c xbaneb lix takl li rey ut qui-el ajcuiꞌ resil saꞌ li tenamit Susa. Ut li rey Asuero rochben laj Amán queꞌcꞌojla ut queꞌoc chi ucꞌac chi saheb saꞌ xchꞌo̱l. Abanan chixjunileb li cuanqueb saꞌ li tenamit Susa, queꞌyotꞌeꞌ xchꞌo̱leb ut sachso̱queb xchꞌo̱l queꞌcana.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

San Mateo 2:3

Ut nak quirabi aꞌan, li rey Herodes quisach xchꞌo̱l ut qui-oc xcꞌaꞌux joꞌ ajcuiꞌ chixjunileb li cuanqueb Jerusalén.

Li xHu LAJ JOB 34:30

re nak incꞌaꞌ ta̱oc chi takla̱nc saꞌ xbe̱neb li incꞌaꞌ us xnaꞌleb ut re ajcuiꞌ nak incꞌaꞌ tixrahobtesiheb li tenamit.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Eclesiastés 10:6

Li ma̱cꞌaꞌeb xnaꞌleb nequeꞌqꞌueheꞌ xcꞌanjel cha̱bil ut li cuanqueb xnaꞌleb incꞌaꞌ cha̱bil li cꞌanjel nequeꞌqꞌueheꞌ reheb.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.