Proverbios 28:8 - Li Santil hu

⁸ Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Q'eqchi Bible

⁸ Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Proverbios 28:8 ပူးပေါင်းရင်းမြစ်များ

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Levítico 25:36

Me̱patzꞌ ral li tumin li te̱qꞌue chi toꞌ re le̱ rech tenamitil chi moco te̱makꞌ li cꞌaꞌru reheb. Qꞌuehomak ban xnaꞌaj le̱ rech tenamitil saꞌ le̱ rochoch. Ut chexucua ru li Ka̱cuaꞌ le̱ Dios.

Ezequiel 18:17

Incꞌaꞌ naxcꞌu̱luban xchꞌo̱l xba̱nunquil li ma̱usilal ut incꞌaꞌ naxpatzꞌ ral li tumin li naxqꞌue chi toꞌ. Naxba̱nu li cꞌaꞌru naxye saꞌ lin chakꞌrab ut naxba̱nu li cꞌaꞌru ninye. Li alalbej aꞌan incꞌaꞌ ta̱ca̱mk xban li ma̱c quixba̱nu lix yucuaꞌ. Ta̱cua̱nk ban xyuꞌam.

Éxodo 22:25

Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.

Ezequiel 18:13

Naxpatzꞌ nabal li ral li tumin li naxqꞌue chi toꞌ. ¿Ma ta̱cana̱k ta biꞌ chi yoꞌyo li alalbej aꞌan? Incꞌaꞌ. Aꞌan ta̱camsi̱k xban li ma̱usilal li quixba̱nu ut xcꞌulub nak ta̱camsi̱k.

Ezequiel 18:8

Incꞌaꞌ naxpatzꞌ ral lix tumin li naxqꞌue chi toꞌ. Incꞌaꞌ naxsicꞌ xbiomal riqꞌuin xtoꞌoninquil tumin. Incꞌaꞌ naxcꞌu̱luban xchꞌo̱l xba̱nunquil li ma̱usilal ut narakoc a̱tin saꞌ xya̱lal nak cuan junak chꞌaꞌajquilal.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Proverbios 19:7

Eb li nebaꞌ nequeꞌtzꞌekta̱na̱c xbaneb li rechꞌalal. ¿Ma tojaꞌ ta chic li rami̱g incꞌaꞌ teꞌtzꞌekta̱na̱nk reheb? Usta nequeꞌxtzꞌa̱ma usilal chiruheb, abanan eb aꞌan ma̱cꞌaꞌ nequeꞌraj re.

2 Samuel 12:6

Tento nak tixtoj ca̱hib sut xqꞌuial xtzꞌak li carner li quixcamsi. Kꞌaxal yibru li quixba̱nu xban nak incꞌaꞌ quiril xtokꞌoba̱l ru li cui̱nk nebaꞌ, chan laj David.

Salmos 72:13

Aꞌan ta̱uxta̱na̱nk ruheb li nebaꞌ ut li rahobtesinbileb. Ut aꞌan ajcuiꞌ ta̱colok reheb.

Proverbios 14:21

Li ani naxtzꞌekta̱na li ras ri̱tzꞌin nama̱cob. Us xak re li ani naril xtokꞌoba̱l ru li nebaꞌ.