Proverbios 28:2 - Li Santil hu

² Nak li tenamit incꞌaꞌ sa saꞌ xchꞌo̱l cocꞌ aj xsaꞌ nequeꞌxjal li acuabej. Abanan nak cuan junak acuabej cha̱bil xnaꞌleb, li tenamit cau rib ut xakxo saꞌ xnaꞌaj.

Q'eqchi Bible

² Naq nanumtaak li q'etok chaq'rab' sa' li tenamit, neke'numtaak ajwi' laj jolominel; ab'an, wi li awab'ej wank xna'leb', li tenamit nak'ojlaak xch'ool ut kaw rib'.

Proverbios 28:2 ပူးပေါင်းရင်းမြစ်များ

1 Reyes 15:28

Laj Nadab quicamsi̱c nak ac yo̱ rox chihab roquic laj Asa chokꞌ xreyeb laj Judá. Laj Baasa qui-oc chokꞌ xrey eb laj Israel chokꞌ re̱kaj laj Nadab.

Oseas 13:11

Usta yo̱ injoskꞌil, abanan xinqꞌue le̱ rey li xetzꞌa̱ma. Ut anakcuan xban injoskꞌil, tincuisi cuiꞌchic le̱ rey che̱ru.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Eclesiastés 9:15

Ut saꞌ li tenamit aꞌan, cuan jun li cui̱nk cuan xnaꞌleb usta nebaꞌ. Li cui̱nk aꞌan xru raj xcolbal li tenamit xban nak cuan xnaꞌleb. Abanan ma̱ ani quixcꞌoxla nak aꞌan cuan xnaꞌleb xban nak nebaꞌ.

1 Reyes 15:25

Nak yo̱ xcab chihab roquic laj Asa chokꞌ xreyeb laj Judá, laj Nadab li ralal laj Jeroboam qui-oc chokꞌ xreyeb laj Israel. Cuib chihab quicuan saꞌ xcuanquil.

Proverbios 11:11

Nak eb li ti̱queb xchꞌo̱l nequeꞌosobtesi̱c, na-osobtesi̱c ajcuiꞌ li tenamit. Abanan eb li incꞌaꞌ useb xnaꞌleb naru nequeꞌxpoꞌ li tenamit riqꞌuin li cꞌaꞌru nequeꞌxye.